اسلام آباد: ترجمان دفتر خارجہ ڈاکٹر محمد فیصل نے کہا ہے کہ سعودی ولی عہد کو سب سے بڑا سول اعزاز نشان پاکستان عطا کیا جائے گا۔
ترجمان دفتر خارجہ نے اپنے ٹویٹ میں کہا کہ نشان پاکستان عطا کرنے کی تقریب کل ایوان صدرمیں ہوگی۔
????#CrownPrincePakistanVisit
Pakistan’s highest civil award Nishan-e-Pakistan to be conferred on the #CrownPrince HRH Muhammad bin Salman at an investiture ceremony at the Presidency tomorrow@PresOfPakistan— Dr Mohammad Faisal (@ForeignOfficePk) February 17, 2019
سعودی ولی عہد محمد بن سلمان آج دو روزہ دورے پر پاکستان پہنچیں گے
سعودی ولی عہد محمد بن سلمان آج دو روزہ دورے پر پاکستان پہنچیں گے۔
ترجمان دفترخارجہ کے مطابق سعودی ولی عہد کے دورے کا پروگرام تبدیل نہیں ہوگا، ان کے دورے کے تمام طے شدہ پروگرام میں کوئی تبدیلی نہیں۔
واضح رہے سعودی شہزادے کو 16 فروری کو پاکستان پہنچنا تھا تاہم اب وہ 17 فروری کو پاکستان آئیں گے۔ وزیراعظم عمران خان خود سعودی شہزادے کا استقبال کریں گے۔
گزشتہ روز وفاقی وزیر اطلاعات و نشریات نے بتایا تھا کہ محمد بن سلمان کو 21 توپوں کی سلامی دی جائے گی اور پرجوش انداز میں ان کا استقبال کیا جائے گا۔
دورے کے دوران سعودی ولی عہد صدر عارف علوی اور آرمی چیف جنرل قمر باجوہ سے بھی ملیں گے جبکہ ان کے اعزاز میں وزیراعظم ہاؤس میں عشائیہ اور ایوان صدر میں ظہرانہ دیا جائے گا
محمد بن سلمان کو پاکستان کے اعلیٰ ترین سول ایوارڈ سے بھی نوازا جائے گا۔