نئی دہلی: بھارتی پنجاب کے وزیراعلیٰ امریندر سنگھ کے استعفے کے بعد جب کانگریس نے جب بھارتی پنجاب کے لیے چرن جیت سنگھ چنی کونیا وزیر اعلٰی نامزد کیا تو ملکی تاریخ میں ایک نئے باب کا اضافہ اس طرح ہو گیا کہ وہ پہلے دلت وزیراعلیٰ ہوں گے۔
بھارت: نوجوت سنگھ سدھو نے گھر پر سیاہ جھنڈا لہرا دیا
پنجاب میں کانگریس کے انچارج ہریش راوت نے یہ اعلان کیا تو سابق ٹیسٹ کرکٹر اور متعدد شوز کے میزبان رہ چکنے والے کانگریسی رہنما نوجوت سنگھ سدھو نے بھی سماجی رابطوں کی ویب سائٹ ’ٹوئٹر‘ پر اس اعلان کی تصدیق کردی اور کہا کہ ملکی تاریخ میں سنہری حروف سے لکھا جانے والا فیصلہ کیا گیا ہے۔
بھارتی پنجاب سے پہلے یہ خبریں بھی آئی تھیں کہ اس منصب کے لیے نوجوت سنگھ سدھو کو نامزد کیا جاسکتا ہے لیکن مستعفی ہونے والے وزیراعلیٰ امریندر سنگھ کی مخالفت کے باعث ان کی نامزدگی سے اجتناب برتا گیا ہے۔
عمران خان وہ سکندر ہیں جو لوگوں کے دلوں میں راج کرتے ہیں،نوجوت سنگھ سدھو
Historic !! Punjab’s first Dalit CM-Designate … Will be written with Golden letters in History. A tribute to the spirit of the Constitution and the Congress !! Congratulations @CHARANJITCHANNI Bai pic.twitter.com/WavudGTPok
— Navjot Singh Sidhu (@sherryontopp) September 19, 2021
بھارتی پنجاب کے وزیراعلیٰ کے طور پر نامزد ہونے والے چرن جیت سنگھ چنی کو راہول گاندھی کا قریبی تصور کیا جاتا ہے۔ وہ ماضی میں کئی مواقع پر دلتوں کے مسائل پر آواز اٹھاتے رہے ہیں۔
سدھو نے مودی کو جھوٹوں کا سردار قرار دے دیا
بھارتی پنجاب میں مرکز میں حزب اختلاف کی سب سے بڑی جماعت انڈین نیشنل کانگریس کی حکومت ہے البتہ گزشتہ کئی ماہ سے امریندر سنگھ اور پارٹی کے ریاستی صدر نوجوت سنگھ سدھو کے درمیان اختلافات کی وجہ سے پنجاب میں سیاسی جوڑ توڑ کا سلسلہ جاری تھا۔
51 سالہ چرن جیت سنگھ چنی چمکور صاحب سے رکن اسمبلی ہیں۔ امریندر سنگھ کابینہ میں وہ تین محکموں سیاحت و ثقافتی امور، ٹیکنیکل ایجوکیشن اور انڈسٹریل ٹریننگ کے وزیر تھے۔
بھارتی پنجاب کے لیے نامزد وزیراعلیٰ نے بھی اس کی تصدیق کردی ہے۔ انہوں نے سماجی رابطوں کی ویب سائٹ ’ٹوئٹر‘ پر جاری کردہ اپنے پیغام میں کہا ہے کہ وہ آج 20 ستمبر کو راج بھون میں اپنے عہدے کا حلف اٹھائیں گے۔
Met His Excellency,Governor Punjab today with PPCC President @sherryontopp,Ministers,MLAs and Party Leaders. Oath will be taken as Chief Minister of Punjab on 20th September, 2021 at 11 am in Raj Bhawan with a limited audience.I seek blessings of the Almighty and my well wishers pic.twitter.com/RSwvwlfFQu
— Charanjit S Channi (@CHARANJITCHANNI) September 19, 2021
بھارتی میڈیا رپورٹس کے مطابق سینئر کانگریس رہنما امبیکا سونی کو وزیر اعلیٰ کا منصب سنبھالنے کی پیش کش کی گئی تھی لیکن انہوں نے انکار کر دیا۔ رپورٹس کے مطابق انہوں نے رات کو سینئر کانگریسی رہنما راہول گاندھی سے ملاقات کے دوران وزیراعلیٰ بننے سے انکار کیا تھا۔
سدھوکا پاکستان سے مذاکرات کی حمایت میں کھلا خط
امبیکا سونی ہوشیار پور سے تعلق رکھتی ہیں اور ریاست سے کئی بار راجیہ سبھا کی رکن رہ چکی ہیں۔ وہ مرکز میں وزیر بھی رہ چکی ہیں۔
بھارت کے مؤقر نشریاتی ادارے این ڈی ٹی وی کا کہنا ہے کہ انہوں نے راہول گاندھی سے کہا کہ کسی سکھ کو ہی دوبارہ وزیر اعلیٰ بنانا پارٹی کے بہترین مفاد میں ہو گا۔
کیپٹن امریندر سنگھ نے مستعفی ہوتے وقت کہا تھا کہ اگر کانگریس کی اعلیٰ کمان سدھو کو وزیر اعلیٰ بناتی ہے تو وہ اس کی مخالفت کریں گے۔
پاکستان نے کہا ’’چشم ما روشن دل ماشاد‘‘: سدھو پاجی نے جواباً کہا ’’ست بسم اللہ‘‘
انہوں نے نوجوت سنگھ سدھو کو ملک مخالف قرار دیتے ہوئے کہا تھا کہ وہ قومی سلامتی کے لیے خطرہ ہیں۔