گوگل پلے اسٹور پر آپ کے اسمارٹ فون کو نقصان پہنچانے والی 205 ایسے ایپلیکیشنز کا انکشاف ہوا ہے جن کو تین کروڑ 20 لاکھ سے زائد مرتبہ انسٹال کیا جاچکا ہے۔
یہ انکشاف ریسرچر لوکس اسٹیفنکو نے کیا ہے جن کے مطابق ان 205 ایپس میں سے 188 ایسی ہیں جو آپ کے موبائل میں پوشیدہ اشتہارات دکھانے کا باعث بنتی ہیں۔
مزید پڑھیں: خبردار: 5 گھنٹے سے زیادہ اسمارٹ فون کےاستعمال سے آپ موٹے ہوسکتے ہیں
انہوں نے اپنے ٹوئٹر پیغام میں بتایا کہ ان 188 ایپس کو ایک کروڑ 92 لاکھ سے زائد مرتبہ انسٹال کیا جاچکا ہے۔
Review of harmful apps on Google Play in July 2019:
Summary: 205 apps with over 32,471,100 installs.
Thanks to all the researchers for their discoveries and reports! https://t.co/EcsAI5g7lr pic.twitter.com/pZSCyytEu3
— Lukas Stefanko (@LukasStefanko) August 1, 2019
دیگر 17 ایپس اسٹاکرویئر، جعلی ایپس، جعلی اینٹی وائرس اور دیگر غلط کاموں میں ملوث ہے جس کی وجہ سے اسمارٹ فون کو نقصان پہنچتا ہے۔
لوکس اسٹیفنکو کے مطابق جعلی اشتہارات والی ایپس زیادہ تر ہوم اسکرین سے غائب ہوجاتی ہیں اور ان کا اشتہار دکھانے کے علاوہ اور کوئی کام نہیں ہوتا۔