اسلام آباد: حکومت پاکستان نے 100 روزہ ایجنڈے پر عمل درآمد کی رفتار عوام کے سامنے پیش کرنے کے لیے ویب سائٹ لانچ کر دی ہے۔
وفاقی وزیراطلاعات فواد چوہدری نے اپنے ٹویٹ میں بتایا ہے کہ مذکورہ ویب سائٹ پر عوام حکومتی اقدامات اور ایجنڈے کی تکمیل کے مراحل سے متعلق معلومات جان سکیں گے۔
انہوں نے بتایا کہ عوام کو ایجنڈے کی تمام تر معلومات pm100days.pmo.gov پر مل سکتی ہیں۔
[ Prime Minister’s 100 Days Agenda Progress Tracker Website Launched ]
Now you can track the progress of our 100 days Agenda.
Please follow: https://t.co/zFjB0281RG
for all the latest updates and actions are taken to accomplish.#PMIK100DaysPlan.— Ch Fawad Hussain (@fawadchaudhry) October 5, 2018
پاکستان تحریک انصاف نے اقتدار ملنے کے بعد اپنے 100 روزہ ایجنڈے کا اعلان کیا تھا جس میں معاشی اور ترقیاتی اصلاحات متعارف کرائی گئی تھیں۔
ان اصلاحات میں طرز حکمرانی کی تبدیلی، وفاق کی مضبوطی، معیشت کی بحالی، زرعی ترقی اور پانی کا تحفظ، سماجی شعبے میں انقلابی اقدام اور ملکی سلامتی کو یقینی بنانا شامل ہے۔
