نیویارک: امریکی صدر ڈونلڈ ٹرمپ میڈیا کے بعد ٹیکنالوجی کی کمپنی گوگل پر بھی برس پڑے اور کہا کہ اگر گوگل پر ’ٹرمپ نیوز‘ کا لفظ تلاش کیا جائے تو وہاں صرف جعلی خبریں ہی سامنے آتی ہیں۔
سماجی رابطے کی ویب سائٹ ٹویٹر پر کیے گئے اپنے ایک ٹویٹ میں انہوں نے کہا کہ گوگل میرے بارے میں میڈیا کی صرف جعلی خبریں دکھاتا ہے، دوسرے الفاظ میں انہوں نے میرے علاوہ دوسروں کے ساتھ بھی دھاندلی کی ہوئی ہے۔
….results on “Trump News” are from National Left-Wing Media, very dangerous. Google & others are suppressing voices of Conservatives and hiding information and news that is good. They are controlling what we can & cannot see. This is a very serious situation-will be addressed!
— Donald J. Trump (@realDonaldTrump) August 28, 2018
صدر ٹرمپ نے کہا کہ گوگل پر جعلی سی این این جیسے چینل نظر آ جاتے ہیں لیکن کنزرویٹیو میڈیا وہاں سے غائب ہوتا ہے، یہ بہت سنجیدہ صورتحال ہے لیکن جلد اس کا حل نکال لیا جائے گا۔
ذرائع کے مطابق ٹرمپ انتظامیہ گوگل کو ریگولیٹ کرنے پرغور کررہی ہے جبکہ دوسری جانب گوگل نے امریکی صدر کے الزامات مسترد کر دیئے ہیں، گوگل انتظامیہ کا کہنا ہے کہ وہ کسی سیاسی ایجنڈے کی تشکیل میں ملوث نہیں ہیں اور کسی سے تعصب نہیں رکھتے۔