پشاور کے علاقے میں پولیس موبائل کے قریب دھماکے کے نتیجے میں سب انسپکٹر اور ایک سپاہی شہید جبکہ تین افراد زخمی ہو گئے۔
پولیس کے مطابق دھماکہ اس وقت ہوا جب معمول کی گشت پر موجود پولیس موبائل علاقے سے گزر رہی تھی۔ دھماکے کی آواز دور دور تک سنی گئی، جس سے علاقے میں خوف و ہراس پھیل گیا۔
سوات اور گردونواح میں زلزلے کے جھٹکے
ریسکیو ٹیمیں فوری طور پر موقع پر پہنچ گئیں اور زخمیوں کو قریبی اسپتال منتقل کیا گیا، جہاں ایک کی حالت تشویشناک بتائی جا رہی ہے۔
پولیس حکام کا کہنا ہے کہ دھماکے کی نوعیت جاننے کے لیے بم ڈسپوزل اسکواڈ کو طلب کر لیا گیا ہے اور شواہد اکٹھے کیے جا رہے ہیں۔ ابتدائی طور پر یہ واقعہ دہشتگردی کا نتیجہ معلوم ہوتا ہے تاہم تفتیش جاری ہے۔
