اسلام آباد: انتخابات 2018 میں اسلام آباد کے تین حلقوں میں سات لاکھ 65 ہزار 348 رجسٹرڈ ووٹرز حق رائے دہی استعمال کرسکیں گے۔
ذرائع کے مطابق این اے 52 اسلام آباد میں 245 پولنگ اسٹیشن اور 835 پولنگ بوتھ قائم کیے جائیں گے جبکہ اس حلقے میں رجسٹرڈ ووٹرز کی تعداد دو لاکھ 34 ہزار 508 ہے۔
اسی طرح این اے 53 میں رجسٹرڈ ووٹرز کی تعداد تین لاکھ 12 ہزار 143 ہے جبکہ اس حلقے میں تین سو 25 پولنگ اسٹیشن اور گیارہ سو چار پولنگ بوتھ قائم کیے جائیں گے۔
این اے 54 اسلام آباد میں 216 پولنگ اسٹیشن اور 754 پولنگ بوتھ قائم کیے جائیں گے اور اس حلقے میں رجسٹرڈ ووٹرز کی تعداد دو لاکھ 18 ہزار 795 ہے۔
پاکستان میں رجسٹرڈ ووٹرز کی کل تعداد دس کروڑ 42 لاکھ 67 ہزار 581 ہے جن میں مرد ووٹرز پانچ کروڑ 84 لاکھ 63 ہزار 228 ہیں جبکہ خواتین ووٹرز کی تعداد چار کروڑ 58 لاکھ چار ہزار 353 ہے۔
