اسلام آباد: فیڈرل بورڈ آف ریونیو (ایف بی آر) نے رواں مالی سال کے پہلے 8 ماہ کا ٹیکس ہدف حاصل کر لیا۔
تفصیلات کے مطابق جولائی سے فروری کے دوران ایف بی آر نے 5 ہزار 831 ارب روپے کا ٹیکس اکٹھا کیا جبکہ جولائی سے فروری تک ایف بی آر کا ٹیکس ہدف 5 ہزار 829 ارب روپے مقرر تھا۔
مالی سال کے 8 ماہ میں ایف بی آر کی ٹیکس وصولی میں30 فیصد کا اضافہ ہوا۔
دوسری جانب زرمبادلہ کے سرکاری ذخائر میں 6 کروڑ 30 لاکھ ڈالر کی کمی ہو گئی۔
یہ بھی پڑھیں: پٹرول 4روپے 13 پیسے مزید مہنگا، ڈیزل کی قیمت برقرار
اسٹیٹ بینک کے مطابق زرمبادلہ کے سرکاری ذخائر کی مالیت 7 ارب 94 کروڑ 96 لاکھ ڈالر ہو گئی، زرمبادلہ کے مجموعی ذخائر کی مالیت 13 ارب 3کروڑ 85 لاکھ ڈالر ریکارڈ کی گئی۔
کمرشل بینکوں کے پاس 5 ارب 8 کروڑ 89 لاکھ ڈالر کے ذخائر موجود ہیں۔