امریکی ڈالر کی قیمت میں مسلسل 18 ویں روز بھی کمی ریکارڈ کی گئی، آج چوتھے کاروباری روز کے اختتام پر ڈالر مزید سستا ہو گیا۔
تفصیلات کے مطابق اسٹیٹ بینک آف پاکستان کی جانب سے جاری اعدادو شمار کے مطابق انٹر بینک میں ڈالر کی قیمت میں ایک روپیہ ایک پیسے کی مزید کمی ریکارڈ کی گئی
جس کے بعد ڈالر 288 روپے 75 پیسے سے کم ہو کر 287روپے 74 پیسے کی سطح پر بند ہوا۔
افغان حکومت نے غیر ملکی کرنسی میں تجارت پر پابندی لگادی
Interbank closing #ExchangeRate for today https://t.co/K9pF3QxMS3#SBPExchangeRate pic.twitter.com/gXBbpXqugl
— SBP (@StateBank_Pak) September 28, 2023
خیال رہے کہ گزشتہ کاروبار کے اختتام پر انٹربینک میں ڈالرایک روپے5 پیسےسستاہونے کے بعد 288 روپے 75 پیسے کی سطح پربند ہوا تھا۔
دوسری جانب ڈالر کیساتھ ساتھ صرافہ مارکیٹ میں بھی سونے کی قیمت میں مجموعی طور پر کمی کا رحجان دیکھا جارہا ہے، مختلف شہروں میں 24 قیراط سونے کی قیمت 2 لاکھ روپے فی تولہ تک پہنچ چکی ہے۔
پٹرولیم مصنوعات کی قیمتوں میں 5 سے 19 روپے تک فی لٹر کمی کا امکان
اس حوالے سے پاکستان بیورو برائے شماریات کی جاری رپورٹ کے مطابق جولائی اوراگست میں 4.971 ملین ڈالرمالیت کا سونا درآمد کیا گیاجوگزشتہ مالی سال کی اسی مدت کے 3.449 ملین ڈالر کے مقابلہ میں 44.13 فیصد کم ہے۔
جاری اعدادوشمار کے مطابق اس وقت 22 قیراط کی قیمت 1 لاکھ 83 ہزار 3 سو 33 روپے فی تولہ جبکہ 22 قیراط سونے کے 10 گرام کی قیمت 1 لاکھ 57 ہزار 1 سو 78 روپے ہے۔