سابق وزیراعظم اور پاکستان مسلم لیگ ن کے صدر شہباز شریف نے پاکستان کی کرکٹ ٹیم میں موجود تین بہترین باولرز کے نام بتادیے۔
سماجی رابطے کی ویب سائٹ ‘ایکس’ پر جاری کردہ ٹویٹ میں انہوں نے پاکستان کی باولنگ کے حوالے سے اپنی رائے کا اظہار کیا۔ انہوں نے کھیل سے متعلق خبریں شائع کرنے والی ویب سائٹ ‘کرک انفو’ کی تصویر شیئر کی۔
شہباز شریف نے کرک انفو کی تصویر میں موجود پاکستانی فاسٹ باولرز حارث روف، شاہین شاہ آفریدی اور نسیم شاہ کا حوالہ دیا۔ انہوں نے لکھا کہ ‘یہ دنیا کا بہترین باولنگ اٹیک ہے۔’
The best bowling attack in the world! https://t.co/wcLFYmLIUk
— Shehbaz Sharif (@CMShehbaz) August 23, 2023
خیال رہے کہ سری لنکا میں کھیلے گئے افغانستان کے خلاف پہلے ون ڈے میچ میں پاکستان کی جانب سے حارث رؤف نے پانچ وکٹیں حاصل کرکے منفرد اعزاز اپنے نام کیا تھا۔ دوسری طرف شاہین آفریدی نے 2، نسیم اور شاداب نے ایک ایک وکٹ حاصل کی تھی۔
