پاکستان تحریک انصاف کے رہنما و سابق وفاقی وزیر مملکت برائے پارلیمانی امور علی محمد خان کو پشاور ہائی کورٹ سے ضمانت ملنے کے بعد مردان جیل سے رہا کر دیا گیا۔
پی ٹی آئی رہنما علی محمد خان کی اسی دن کے بعد جیل سے رہائی ملی ہے، گزشتہ 3 ماہ کے دوران علی محمد خان کو 7 بار رہائی ملتے ہی گرفتار کیا گیا تھا،پی ٹی آئی رہنما کو 9 اور 10 مئی کی توڑ پھوڑ کے مقدمے میں گرفتار کیا گیا تھا۔
علی محمد خان کو ایک بار پھر گرفتارکر لیا گیا
خیال رہے کہ پشاور ہائی کورٹ نےتحریک انصاف کے رہنما و سابق وفاقی وزیر مملکت برائے پارلیمانی امور علی محمد خان کی ضمانت منظور کرتے ہوئے رہائی کا حکم جاری کیا تھا۔
جسٹس اعجاز انور اور جسٹس فضل سبحان پر مشتمل دو رکنی بنچ نے علی محمد خان کی درخواست ضمانت پر سماعت کی۔ اس دوران عدالت نے تھری ایم پی او کے تحت علی محمد خان کی ضمانت منظورکی اور انہیں رہا کرنے کا حکم جاری کیاتھا۔
جسٹس اعجاز انور ریمارکس دیے ہیں کہ ڈپٹی کمشنر مردان آئندہ سماعت پر پیش ہوں، ایک ڈی سی کو عبرت کا نشان بنائیں گے تو پھر کوئی بھی غیر قانونی کام نہیں کرے گا۔
رہائش کیلئے پاکستان دنیا کا سستا ترین ملک قرار
پشاور ہائی کورٹ نے ڈی سی مردان کو 8 اگست کو ذاتی حیثیت میں طلب کیا ہے جبکہ کیس کی سماعت بھی 8 اگست تک ملتوی کی گئی ہے۔
