برطانیہ نے وزٹ ویزا، ورک پرمٹ اور سٹوڈنٹس ویزا فیس میں اضافے کا اعلان کردیا

برطانیہ نے وزٹ ویزا، ورک پرمٹ اور سٹوڈنٹس ویزا فیس میں اضافے کا اعلان کردیا۔

میڈیا رپورٹس کے مطابق برطانوی وزیراعظم رشی سونک کا کہنا ہے کہ امیگرینٹس کیلئے ہیلتھ سرچارج میں بھی اضافہ کیا جا رہا ہے۔

برطانیہ نے پاکستان سفر کے حوالے سے نئی ہدایات جاری کردیں

امیگرنٹس کیلئے ہیلتھ سرچارج 624 پاؤنڈز سے بڑھا کر 1 ہزار 35 پاؤنڈز سالانہ کیا جا رہا ہے، طلبا اور بچوں کیلئے رعایتی ہیلتھ سرچارج 776 پاؤنڈز سالانہ ہوگا۔

انہوں نے کہا کہ ویزا فیس تنخواہوں میں اضافے کیلئے استعمال ہوگی۔ امیگرنٹس کو صحت کی سہولتوں کے استعمال کیلئے اضافی رقم دینا ہوگی۔

برطانوی وزیراعظم رشی سونک کا کہنا ہے کہ ویزا فیسوں میں اضافے سے اربوں پاؤنڈز حاصل ہوں گے۔

وزیراعظم نے ہڑتالوں سے متعلق منعقدہ تقریب میں یہ اعلان کیا۔