سیشن کورٹ اسلام آباد نے پاکستان تحریک انصاف (پی ٹی آئی) کے وائس چیئرمین شاہ محمود قریشی اور پی ٹی آئی رہنما اسد عمر کی ضمانتیں خارج کردیں۔
تفصیلات کے مطابق شاہ محمود قریشی اپنے وکیل علی بخاری کے ہمراہ عدالت میں پیش ہوئے۔ اس موقع پر وکیل علی بخاری نے کہا کہ یہ مقدمہ بدنیتی پر مبنی ہے، کوئی حقیقت نہیں۔ وکیل علی بخاری کی جانب سے ایف آئی آر بھی پڑھ کر سنائی گئی۔
علی بخاری کا کہنا تھا کہ شاہ محمود قریشی جائے وقوعہ پر موجود ہی نہیں تھے۔ کوئی ایسا ثبوت دیں جو یہ ثابت کرے کہ شاہ محمود قریشی نے کارکنان کو اکسایا۔ شاہ محمود قریشی کراچی میں تھے جہاں ان کی اہلیہ کی سرجری ہو رہی تھی۔
اسمبلیوں کی تحلیل جولائی میں ہوجاتی، ہمیں مشورہ قبول کرنا چاہیے تھا، اسد عمر
شاہ محمود قریشی کے وکیل نے مزید کہا کہ اگر کوئی متعلقہ مٹیریل ہے تو دیں ورنہ یہ کیس بے بنیاد ہے۔ ایڈیشنل سیشن جج طاہر عباس سپرا نے درخواستوں پر محفوظ فیصلہ سناتے ہوئے دونوں رہنماؤں کی ضمانتیں خارج کردیں۔
ضمانتیں خارج ہونے کے بعد شاہ محمود قریشی اور اسد عمر سیشن کورٹ سے نکلنے کے بعد ایک ہی گاڑی میں بیٹھ کر روانہ ہوگئے۔
