وفاقی پولیس نے گزشتہ روزلاپتہ ہونے والے سابق پرنسپل سیکریٹری اعظم خان کے اپنی مرضی سے غائب ہونے کا انکشاف کیا ہے۔
نجی ٹی وی ایکسپریس نیوز کے مطابق سابق پرنسپل سیکریٹری اعظم خان گزشتہ روز لاپتہ ہوگئے تھے، ان کے اہل خانہ نے تھانہ کوہسار میں اس حوالے سے درخواست بھی دی تھی۔
سابق پرنسپل سیکرٹری اعظم خان پراسرار طور پر لاپتہ
آج پولیس تفتیش میں اہم پیش رفت سامنے آئی ہے جس کے مطابق پولیس کو اعظم خان کے اغوا کے کوئی شواہد نہیں ملے، پولیس ذرائع کا کہنا ہے کہ اعظم خان اپنی مرضی سے گاڑی خود ڈرائیو کر کے گئے۔
اعظم خان کی گمشدگی، اسلام آباد پولیس کا بیان سامنے آگیا
پولیس ذرائع کے مطابق اعظم خان کے موبائل کا ریکارڈ حاصل کر لیا گیا ہے، اعظم خان کے موبائل ریکارڈ سے اغواء کے حوالے سے کوئی کلیو نہیں ملا، اسلام آباد پولیس نے دیگر اضلاع کی پولیس سے بھی رابطہ کر لیا ہے۔
