وزیر دفاع خواجہ آصف نے قومی اسمبلی میں خطاب کرتے ہوئے کہا کہ ملکی صورتحال سب کے سامنے ہے،عدلیہ انصاف نہیں سیاست کررہی ہے۔
ان کا کہنا تھا کہ پارلیمنٹ کی حدود محفوظ کرنے کے لیے اداروں کو پیغام دیناچاہیے،ایک شخص کو تمام ترمراعات سے نوازا جارہاہے۔
وزیر دفاع کا کہنا تھا کہ آئین او رقانون کی سربلندی کے لیے ایوان بحث کرے،اس ادارے کی آئینی حیثیت کوچیلنج کیاجارہا ہے۔
عدلیہ میں ایک گروہ نے سیاست کرنے کا بیڑہ اٹھالیاہے،صاف ظاہر ہے کہ 4تین کا فیصلہ آیا،اس کی خلاف ورزی ہوئی۔
ان کا کہناتھاکہ عدلیہ میں فرد واحد فیصلہ مسلط کررہاہے اور عمران خان کو ریلیف دے رہاہے،3/2 والے ججز کے خلاف سپریم جوڈیشل کونسل کو پارلیمنٹ ریفرنس بھیجے۔
آئین میں جو بھی کارروائی درج کی گئی اس پر عمل درآمد ہونا چاہیے، وقت آگیاہے کہ پارلیمنٹ آئینی اختیارات کا استعال کرے۔
ان کا کہنا تھا کہ ماضی میں ایسے واقعات ہوئے جس نے ہولناک اثرات چھوڑے،عدلیہ کی روایات اورآئینی حدود کی خلاف ورزی ہورہی ہے۔
گواہی ہے ایک لیفٹیننٹ کرنل جو رانا ثنا اللہ کا محلہ دار ہے ا ن کے کہنے پر یہ فیصلہ کرتے ہیں، خواجہ آصف کا کہنا تھا کہ یادگاروں کو مسمار اورکور کمانڈر کے گھر پر حملہ کیا گیا۔
ان کا کہنا تھا کہ ہمارے دشمن انڈیا نے چینلز پر تماشا لگایا ہواہے،وقت آگیا ہے پارلیمنٹ اپنا رول منوائے، آج ایوان اپنا تاریخی کردار ادا کرے۔
