پاکستان نے نیوزی لینڈ کو پہلے ٹی 20 بین الاقوامی میچ میں 88 رنز سے شکست دے دی۔
پاکستان نے پہلے ٹی 20 بین الاقوامی میچ میں ٹاس جیت کر پہلے بیٹنگ کرنے کا فیصلہ کیا۔ پاکستان کی جانب سے فخر زمان اور صائم ایوب نے 47، 47 رنز کی اننگز کھیلیں اور ان دونوں کھلاڑیوں کے علاوہ پاکستان کا کوئی بلے باز قابل ذکر کارکردگی نہ دکھا سکا۔
نیوزی لینڈ کی جانب سے میٹ ہنری نے 3 وکٹیں حاصل کیں۔ اس کے علاوہ ایڈم ملن 2، جیمز نیشم اور ایش سودی ایک ایک وکٹ حاصل کر پائے۔
دوسری جانب پاکستان کے 182 رنز کے تعاقب میں نیوزی لینڈ کی پوری ٹیم 94 رنز پر آوٹ ہو گئی۔ نیوزی لینڈ کی جانب سے مارک چیپ مین نے سب سے زیادہ 34 رنز بنائے۔
پاکستانی باؤلر حارث رؤف نے 4 کھلاڑیوں کو پویلین کی راہ دکھائی۔ عماد وسیم نے 2 وکٹیں حاصل کیں جبکہ فہیم اشرف، زمان خان، شاہین شاہ آفریدی اور شاداب نے ایک ایک وکٹ لی۔
