اسلام آباد: وفاقی وزیر اطلاعات فواد چوہدری نے کہا ہے کہ حکومت نے آرٹیکل 63 اے کی تشریح کیلئے سپریم کورٹ میں ریفرنس دائر کرنے کا فیصلہ کر لیا۔
وفاقی وزیر اطلاعات فواد چوہدری نے سماجی رابطے کی ویب سائٹ ٹوئٹر پر لکھا کہ حکومت سپریم کورٹ میں آرٹیکل 186 کے تحت ریفرنس فائل کرے گی اور سپریم کورٹ سے پارٹی اراکین کی وفاداریاں تبدیل کرنے سے متعلق قانون پر رائے مانگی جائے گی۔
انہوں نے کہا کہ پارٹی رکن کے ہارس ٹریڈنگ میں ملوث ہونے اور رقم کے بدلے وفاداری تبدیل کرنے پر رائے مانگی جائے گی۔
حکومت نے فیصلہ کیا ہے کہ آرٹیکل 63-A کی تشریح کیلئے سپریم کورٹ میں آرٹیکل 186 کے تحت ریفرینس فائل کیا جائیگا، سپریم کورٹ سے رائے مانگی جائیگی کہ جب ایک پارٹی کے ممبران واضع طور پر ہارس ٹریڈنگ میں ملوث ہوں اور پیسوں کے بدلے وفاداریاں تبدیل کریں تو ان کے ووٹ کی قانونی حیئثت کیا ہے
— Ch Fawad Hussain (@fawadchaudhry) March 18, 2022
یہ بھی پڑھیں: ہمیں معلوم تھا چور کپتان کا اقتدار برداشت نہیں کر سکیں گے، شہباز گل
فواد چوہدری نے کہا کہ مفادات کے بدلے وفاداری تبدیلی پر رکن کی نااہلیت تاحیات ہو گی یا دوبارہ انتخاب لڑنے کی اجازت ہو گی۔ سپریم کورٹ سے استدعا ہو گی کہ ریفرینس کو روزانہ کی بنیاد پر سن کر فیصلہ سنایا جائے۔
کیا ایسے ممبران جو اپنی وفاداریاں معاشی مفادات کے بوجوہ تبدیل کریں ان کی نااہلیت زندگی بھر ہو گی یا انھیں دوبارہ انتخاب لڑنے کی اجازت ہو گی؟ سپریم کورٹ سے درخواست کی جائیگی کے اس ریفرینس کو روزانہ کی بنیاد پر سن کر فیصلہ سنایا جائے۔
— Ch Fawad Hussain (@fawadchaudhry) March 18, 2022
