بھارت سے آنے والی خاتون سکھ یاتری پنجاب پولیس کے اہلکاروں کے اچھے رویے سے متاثر ہو گئیں ۔تعریف کیے بنا نہ رہ سکیں۔
سکھ مذہب کے بانی بابا گرونانک کے 552ویں جنم دن کی تقریبات کے لیے پاکستان آنے والے سکھ یاتری پوری آزادی کے ساتھ مذہبی رسومات کی ادائیگی میں مصروف ہیں ۔ وہیں سکھ یاتریوں کی حفاظت اور رہنمائی کے لیے تعینات پنجاب پولیس کے اہلکار ذمہداری کے ساتھ اپنے فرائض ادا کر رہے ہیں۔
بھارت سے گرودوارے ننکانہ صاحب آنے والی سکھ یاتری پنجاب پولیس کے اہلکار کے رویے سے متاثر ہو کر تعریف کرنے پر مجبور ہو گئیں۔ پنجاب پولیس نےویڈیو ٹوئٹر پر شیئر کردی۔
پنجاب پولیس کے اہلکار سکھ یاتریوں کی حفاظت اور خدمت میں پیش پیش۔
گوردوارہ ننکانہ صاحب میں ڈیوٹی پر مامور اہلکار نے ایسا کام کیا کہ بھارتی خاتون بھی تعریف پر مجبور ہوگئی۔@UsmanAKBuzdar @ChMSarwar @MashwaniAzhar pic.twitter.com/SVXhyxe9cK— Punjab Police Official (@OfficialDPRPP) November 20, 2021
گرودوارہ جنم استھان ننکانہ صاحب میں پولیس اہلکاروں نے سکھ یاتریوں کی مدد کی اور بزرگ خاتون یاتری کا ہاتھ پکڑ کر گاڑی میں بٹھایا۔
بھارتی خاتون نے اہلکار سے کہا کہ ، آپ نے جو ہماری مدد کی ہے شاید وہ آپ کے لیے معمولی بات ہو لیکن ہمارے لیے یہ بہت بڑی بات ہے۔آپ نے ہمارے دل میں جگہ بنا لی ہے۔
خاتون کا کہنا تھا کہ ہمارے دل آپ کی محبت میں تڑپتے ہیں ۔ ہمارا بس نہیں چلتا کہ ہم بار بار یہاں آئیں۔ ہم چاہتے ہیں کہ ہم یہاں آتے رہیں اور آپ ہمیں بلاتے رہیں۔
سکھ خاتون نے تمام پاکستانیوں اور پولیس اہلکاروں کا شکریہ بھی ادا کیا۔ پولیس اہلکار کی جانب سے مدد کرنے اور مکالمے کے دوران یاتری خاتون ویڈیو بھی بناتی رہیں۔