کراچی: پاکستان کرکٹ ٹیم کے سابق کپتان شاہد آفریدی نے کہا ہے کہ کھلاڑیوں کو آج پہلے سے بہتر کارکردگی دکھانا ہو گی۔
قومی کرکٹ ٹیم کے سابق کپتان شاہد خان آفریدی نے سماجی رابطے کی ویب سائٹ ٹوئٹر پر لکھا کہ آل دی بیسٹ پاکستان!
انہوں نے ٹی ٹوئنٹی ورلڈکپ کے سیمی فائنل سے قبل ٹوئٹر پر لکھا کہ میرے لیے آج کا میچ فائنل جیسا کھیل ہے۔ ہم نے سال 2010 میں آسٹریلیا کے خلاف ناقابل یقین سیمی فائنل کھیلا تھا۔
All the best Pakistan! For me this is as big a game as the final. We played an incredible semi-final against Australia in 2010, I wish Babar and his boys go one step better today!????
— Shahid Afridi (@SAfridiOfficial) November 11, 2021
شاہد خان آفریدی نے لکھا کہ میری خواہش ہے کہ قومی ٹیم کے کپتان بابر اعظم اور اور ان کے کھلاڑی آج پہلے سے بہتر کارکردگی دکھائیں۔
قومی ٹیم کے سابق فاسٹ باؤلر شعیب اختر نے بھی سماجی رابطے کی ویب سائٹ ٹوئٹر پر اپنے پیغام میں لکھا کہ آج بڑا دن ہے۔ اپنی رفتار اور بھرپور توانائی کے ساتھ انشا اللہ آپ ہی فتح حاصل کریں گے۔
انہوں نے لکھا کہ 100 فیصد کارکردگی دکھا کر مثبت سوچ کے ساتھ جارحانہ کھیلیں۔ کامیابی دینے والی اللہ کی ذات ہے۔ شاباش اور گڈ لک۔
Big day guys. With your momentum, with your energy, InshAllah you will be able to conquer this.
Give your 100% & stay positive & aggressive. Kamyaabi denay wali Allah ki zaat hai. Shabaash & good luck. #PAKVSAUS— Shoaib Akhtar (@shoaib100mph) November 11, 2021
