حکومت سندھ نے اعلان کیا ہے کہ اگلے ماہ سے کورونا ویکسین نہ لگوانے والے سرکاری ملازمین کی تنخواہیں روکی جائیں گی۔
کورونا ٹاسک فورس کے اجلاس کی صدارت کرتے ہوئے وزیر اعلیٰ سندھ مراد علی شاہ نے کہ اگلے مہینے سے ان سرکاری ملازمین کی تنخواہیں روکنے کا فیصلہ کیا جائے گا جنہوں نے ویکسین نہیں لگوائی۔
مزید پڑھیں:سندھ: تعلیمی ادارے، ریسٹورنٹس، شادی ہال بند رکھنے کا فیصلہ
اس حوالے سے وزیراعلیٰ سندھ نے سیکریٹری فنانس کو اکاؤنٹنٹ جنرل سندھ سے رابطہ کرنے کی بھی ہدایت کردی ہے۔
صوبے میں کورونا کیسز کی شرح دس اعشاریہ تین فیصد تک پہنچنے کے بعد سندھ حکومت نے پاکستان ٹیلی کمیونیکیشن اٹھارٹی کو خط لکھ کر ان صارفین کی سم بلاک کرنے کی تجویز دی ہے جنہوں نے کورونا ویکسنیشن نہیں کرائی۔
وزیر اعلی سندھ نے کہا ہے کہ پی ٹی اے تمام لوگوں کو میسج /پیغام بھیجے کہ وہ ویکسین لگوائیں، جو لوگ ایک ہفتے کے دوران ویکسین نہ لگوائیں اُن کی سم کو بلاک کیا جائے۔
