بڑھتی ہوئی گرمی کے باعث پنجاب بھر میں سرکاری اور نجی اسکولوں کے اوقات کار تبدیل کردیے گئے ہیں۔
سماجی رابطے کی ویب سائٹ ٹوئٹر پر اپنے پیغام میں وزیر تعلیم پنجاب مراد راس نے کہا ہے کہ تمام سرکاری و نجی تعلیمی اداروں میں صبح 7 بجے کلاسز کا آغاز ہو گا۔ تعلیمی سرگرمیاں دن ساڑھے 11 بجے تک جاری رہ سکیں گی۔
ANNOUNCEMENT:
All Public & Private Schools of Punjab to comply with the following New School Timing Schedule:
7am to 11:30am.
Please follow SOPs issued by the Government.— Murad Raas (@DrMuradPTI) June 10, 2021
انہوں نے مزید کہا کہ تمام تعلیمی اداروں میں کورونا وائرس ایس او پیز پر مکمل عمل درآمد کو یقینی بنایا جائے گا۔
خیال رہے کہ ملک بھر میں جاری غیر معمولی گرمی کی وجہ سے گزشتہ روز وفاقی سرکاری تعلیمی اداروں کے اوقات کار کم کر دیے تھے۔
مزید پڑھیں: فیڈرل بورڈ نے میٹرک اور انٹرکے امتحانات کی تاریخوں کا اعلان کردیا
اس ضمن میں جاری نوٹی فکیشن کے مطابق تعلیمی ادارے سوموار سے جمعرات تک صبح 7 سے دن 11 بجے تک کھلیں گے جب کہ ایوننگ شفٹ والے تعلیمی ادارے جمعہ اور ہفتہ کو کھلیں گے۔
نوٹی فکیشن کے مطابق تعلیمی ادارے ایک گھنٹہ جلد کھولے جائیں گے اور 11 بجے تک تعلیمی سرگرمیاں رہیں گی۔ تعلیمی اداروں کو 50 فیصد بچے بلانے کی اجازت ہو گی۔
اس سے قبل تعلیمی اداروں کے اوقات کارصبح 8 سےدوپہر 1 بجے تک تھے۔
