امریکی میڈیا کے مطابق امریکا میں 10 کروڑ سے زائد افراد کو کووڈ ویکسین لگا دی گئی ہے۔
امریکی نشریاتی ادارئے ایم ایس این بی سی کی رپورٹ کے مطابق امریکا میں 29 فیصد آبادی کو کوویڈ ویکسین لگا دی گئی ہے۔
More than 100M Americans are now fully vaccinated against Covid-19.https://t.co/byy45dk070
— MSNBC (@MSNBC) May 3, 2021
امریکی نشریاتی ادارے کی رپورٹ میں کہا گیا ہے کہ صدر جو بائیڈن کی قیادت میں امریکا نے یہ سنگ میل عبور کیا۔
رپورٹ میں یہ بھی کہا گیا ہے کہ 29 فیصد سے زائد آبادی کی کورونا ویکسی نیشن کے بعد ملک بھر میں اس بیماری کی ہرڈ امیونٹی کے امکانات بہت کم ہو گئے ہیں۔
یہ بھی پڑھیں: امریکا: جارج فلائیڈ قتل کا فیصلہ سنادیا گیا، سابق پولیس اہلکارمجرم قرار
خیال رہے کہ امریکہ میں کورونا سے مرنے والوں کی کل تعداد 5 لاکھ 91 ہزار 514 تک پہنچ گئی ہے جبکہ 3 کروڑ 32 لاکھ 29 ہزار 108 متاثر ہیں۔
عالمی وبا کورونا وائرس کے سبب دنیا میں 15 کروڑ 41 لاکھ 70 ہزار سے زائد افراد متاثر اور 32 لاکھ 26 ہزار 628 افراد ہلاک ہو چکے ہیں۔
دنیا بھر میں کورونا سے صحت یاب ہونے والوں کی تعداد 13 کروڑ 15 لاکھ 50 ہزار سے زائد اور فعال کیسز کی تعداد 1 کروڑ 93 لاکھ سے زائد ہے۔
یہ بھی پڑھیں: کورونا کی تباہ کاریاں،بھارت میں12ویں روز بھی3لاکھ سے زائدکیسز رپورٹ
بھارت میں کورونا سے متاثرہ افراد کی تعداد دو کروڑ دو لاکھ 75 ہزار سے زائد ہے اور 2 لاکھ 22 ہزار 383 افراد جان کی بازی ہار چکے ہیں۔
برازیل میں کورونا سے متاثرہ افراد کی تعداد ایک کروڑ 47 لاکھ 91 ہزار سے زائد ہو گئی ہے اور 4 لاکھ 8 ہزار سے زائد افراد ہلاک ہوچکے ہیں۔
