اسلام آباد: وزیر اعظم عمران خان کا کورونا ٹیسٹ مثبت آنے کے بعد عوام سے ان کی ٹیلی فون پر گفتگو کو موخر کر دیا گیا ہے۔
پاکستان تحریک انصاف کے رہنما سینیٹر فیصل جاوید نے ٹوئٹر پر اعلان کیا کہ وزیراعظم عمران خان کا کورونا ٹیسٹ مثبت آنے کی وجہ سے اس پروگرام کی نئی تاریخ کا اعلان بعد میں کیا جائے گا۔
#آپکا_وزیراعظم_آپکے_ساتھ
وزیراعظم پاکستان عمران خان سے فون پر براہِ راست بات کریں-
4 اپریل بروز اتوار-وقت اورفون نمبر سے متعلق جلد بتا دیا جائیگا –
آپکے سوالات اور وزیراعظم کے جواب
وزیراعظم سے آپ کی بات چیت – ٹیلی ویژن، ریڈیو اور ڈیجیٹل میڈیا پر براہ راست نشر کی جائے گی pic.twitter.com/HB47g7fveN— Faisal Javed Khan (@FaisalJavedKhan) March 31, 2021
انہوں نے تحریر کیا کہ اللہ تعالی سے دعا ہے کہ عمران خان اور دیگر سب لوگوں کو صحت عطا فرمائے۔
پی ٹی آئی رہنما فیصل جاوید خان نے عوام کو پیغام دیا کہ اپنا خیال رکھیں اور احتیاط کریں- اللہ سب کا حامی و ناصر ہوْ۔
خیال رہے کہ سینیٹر فیصل جاوید نے سماجی رابطے کی ویب سائٹ پر لکھا تھا کہ وزیر اعظم نے ایک بار پھر عوام سے ٹیلی فون پر بات کرنے کا فیصلہ کیا ہے۔
انہوں نے کہا کہ وزیر اعظم عمران خان عوام سے فون پر براہِ راست بات کریں گے۔ وزیر اعظم سے ٹیلی فون لائنز پر کل بروز اتوار سہ پہر 3 بجے رابطہ کیا جا سکتا ہے۔
#آپکا_وزیراعظم_آپکے_ساتھ
وزیراعظم پاکستان عمران خان سے فون پر براہِ راست بات کریں –
ٹیلی فون لائنز 21مارچ بروز اتوار سہ پہر 3 بجے
اوپن کر دی جائینگی- آپکے سوالات اور وزیراعظم کے جواب ٹیلی ویژن، ریڈیو اور ڈیجیٹل میڈیا پر ایک ساتھ نشر کیے جائیں گے— Faisal Javed Khan (@FaisalJavedKhan) March 20, 2021
یہ بھی پڑھیں: مسلم لیگ ن کے رہنما کیخلاف بغاوت پر اکسانے کا مقدمہ درج
سینیٹر فیصل جاوید نے کہا کہ عوام کے سوالات اور وزیر اعظم کے جوابات میڈیا پر نشر کیے جائیں گے۔