قومی کرکٹ ٹیم کے سابق کوچ مکی آرتھر اور سری لنکن کرکٹر لاہیرو تھریمانے کورونا وائرس میں مبتلا ہو گئے ہیں۔
مکی آرتھر جو کہ اب سری لنکا کے ہیڈ کوچ کی حیثیت سے فرائض سرانجام دے رہے ہیں کا ٹیم کے ہمراہ کوویڈ ٹیسٹ کیا گیا جو کہ مثبت آیا۔
یہ بھی پڑھیں: کیپٹن ٹام مور کورونا کے باعث انتقال کر گئے
یہ ٹیسٹ اس وقت میں لیا گیا جب سری لنکن ٹیم دورہ ویسٹ انڈیز کے لیے تیاری کر رہی ہے جو کہ رواں مہینے کے آخر میں طے ہے۔
لاہیرو تھریمانے نے اپنا کورونا ٹیسٹ مثبت آنے کی خبر سماجی رابطوں کی ویب سائٹ ٹوئٹر پر شیئر کی۔
Hi guys got the news that I’m positive for covid 19. I have got zero symptoms and I still don’t know where I infected the virus. But I have been informed authorities necessary details to prevent it going to others. Stay safe people. ✌️?
— Lahiru Thirimanna (@thiri66) February 3, 2021
انہوں نے لکھا کہ میرا کورونا ٹیسٹ مثبت آیا ہے تاہم مجھ میں کورونا کی کوئی علامات نہیں پائی گئیں۔ مجھے یہ بھی نہیں معلوم کہ میں کورونا کا شکار کیسے ہوا۔
سری لنکن کرکٹ ٹیم کے ہیڈ کوچ مکی آرتھر نے کورونا ٹیسٹ مثبت آنے سے متعلق کہا ہے کہ مجھے نہیں معلوم میں کب اور کیسے کورونا وائرس میں مبتلا ہوا کیونکہ میں نے دورہ انگلینڈ کے بعد کسی قابلِ ذکر سرگرمی میں بھی حصہ نہیں لیا۔
Thank you to everybody who has sent their wishes….not sure how I picked up Covid because I have not done much post the England series but just shows to everybody be careful and stay safe!
— Mickey Arthur (@Mickeyarthurcr1) February 4, 2021
مکی آرتھر نے کہا کہ اس سے ثابت ہوتا ہے کہ ہر کسی کو محتاط اور محفوظ رہنے کی بہت ضرورت ہے۔
