کراچی: وفاقی وزیر علی زیدی نے کہا ہے کہ میرے گھر کے سامنے سیلابی صورتحال ہے اور گھروں میں چار فٹ تک پانی جمع ہو گیا ہے۔
سماجی رابطے کی ویب سائٹ ٹوئٹر پر وفاقی وزیر علی زیدی نے اپنے گھر کے باہر جمع ہونے والے پانی کی ویڈیو شیئر کرتے ہوئے لکھا کہ یہ ڈی ایچ اے کراچی ہے۔
علی زیدی نے لکھا کہ اللہ ان لوگوں پر رحم کرے جو اس شہر کے نشیبی علاقوں میں رہتے ہیں۔
This is DHA KHI.
Bang in front of my house- which is now partly flooded- but many homes in the neighborhood are under 4 feet of water.
May Allah have mercy on those who live in low lying areas of this city ? #RainEmergency #KarachiSinks #KarachiRain #Karachi pic.twitter.com/yQKG0nWc0r— Ali Haider Zaidi (@AliHZaidiPTI) August 27, 2020
واضح رہے کہ کراچی میں چند روز کے دوران وقفے وقفے سے تیز بارش کا سلسلہ جاری ہے جس کی وجہ سے کراچی کے بیشتر علاقے ڈوب گئے ہیں اور ٹریفک کی روانی شدید متاثر ہو رہی ہے۔
یہ بھی پڑھیں: کراچی میں وقفے وقفے سے موسلا دھار بارش جاری،شاہراہیں ڈوب گئیں
چیئرمین پیپلز پارٹی بلاول بھٹو زرداری نے بھی کراچی میں جاری طوفانی بارشوں پر بات کرتے ہوئے کہا کہ گزشتہ روز سندھ نے 90 سالہ تاریخ کا بدترین مون سون دیکھا اور آج بھی سندھ میں موسلا دھار بارشیں اور سیلاب جاری ہے۔
انہوں نے کہا کہ سندھ اس وقت غیر متوقع قدرتی آفت سے دوچار ہے۔
