اسکردو۔ گلگت بلتستان میں کورونا وائرس سے متاثرہ مریضوں کے لیے 130 آئی سو لیشن رومز قائم کردیے گئے ہیں۔ یہ بات ترجمان گلگت بلتستان فیض اللہ فراق نے بتائی ہے۔
اسکردو:14 سالہ بچے میں کورونا وائرس کی تشخیص
ہم نیوز کے مطابق انہوں ںے کہا ہے کہ صوبہ گلگت بلتستان میں کورونا مریضوں کی تصدیق کوئی نیک شگون نہیں ہے۔ انہوں ںے کہا کہ صوبائی حکومت نے سختی سے ہدایت کی ہے کہ اسکریننگ کے عمل کو ہر قیمت پر یقینی بنایا جائے۔
فیض اللہ فراق کے مطابق صوبے کے تمام داخلی پوائنٹس پر اسکریننگ کا عمل کیا جائے گا۔ انہوں نے کہا کہ چلاس میں اسکریننگ یقینی بنائی جائے گی۔
کورونا وائرس:اندرون ملک سفر کرنے والوں کی اسکریننگ شروع
ایک سوال پر انہوں ںے کہا کہصوبہ گلگت بلتستان کے تمام اسپتالوں میں آئی سو لیشن وارڈز قائم کردیے گئے ہیں۔
ہم نیوز کو ترجمان صوبائی حکومت فیض اللہ فراق نے بتایا کہ آٹھ مشتبہ افراد کے نمونے لیبارٹریز کو بھیج دیے گئے ہیں۔ ان کا کہنا تھا کہ ابھی رپورٹس کا انتظار ہے۔
کورونا وائرس کو عالمی وبا قرار دے دیا گیا
اسکردو میں ایک اور کورونا کیس کی تصدیق ہونے کے بعد مجموعی تعداد تین ہو گئی ہے۔ صوبائی حکومت کے مطابق کورونا وائرس کی تصدیق اسکردو کے 14 سالہ زین علی میں ہوئی ہے۔
