اسلام آباد: پاکستان ٹیلی کمیونیکیشن اتھارٹی(پی ٹی اے) نےمقبوضہ کشمیر اجاگر کرنے والے 178 پاکستانی اکاؤنٹ معطل کرنے پر ٹوئٹر انتظامیہ سے خدشات کا اظہار کیا ہے۔
ہم نیوز کے مطابق پی ٹی اے نے مؤقف اپنایا ہے کہ اکاونٹس کی معطلی ٹوئٹر کی پالیسی اور کمیونٹی سٹینڈرڈز کے خلاف ہے۔
ٹوئٹر انتظامیہ کو بتایا گیا ہے کہ یہ اقدام آزادی اظہار رائے کا گلہ گھونٹنے کی کوشش ہے۔
اطلاعات ہیں کہ پی ٹی اے مذکورہ اقدام متاثرہ ٹائٹر صارفین کی جانب سے شکایات وصول ہونے کے بعد اٹھایا ہے۔
خیال رہے کہ ٹوئٹر کی جانب سے کشمیر کی حمایت میں آواز اٹھانے والے پر متعدد پاکستانی اکاؤنٹس معطل کردیے گئے تھے۔
پاکستانی سوشل میڈیا صارفین کی ایک بڑی تعداد نے شکایت کی تھی کہ کشمیر کے بارے میں پوسٹ کرنے کے باعث ان کا اکاﺅنٹ معطل کردیا گیا ہے۔
یہ بھی پڑھیں: ’پاکستانیوں کے اکاؤنٹس معطل ہونے کا معاملہ فیس بک، ٹوئٹر کے سامنے اٹھائیں گے‘
سوشل میڈیا ویب سائٹ کی جانب سے اس اقدام کے خلاف ٹوئٹر پر احتجاج بھی کیا گیا اور ’’ اسٹاپ سسپنڈنگ پاکستانی‘‘ ٹاپ ٹرینڈ بنا رہا۔
ڈی جی آئی ایس پی آر میجر جنرل آصف غفور نے بھی کہا تھا کہ فیس بک اور ٹوئٹر کے سامنے پاکستانیوں کے اکاؤنٹ معطل کرنے کا معاملہ اٹھایا متعلقہ حکام نے اٹھائیں گے۔
Pakistan authorities have taken up case with Twitter & Facebook against suspending Pakistani accounts for posting in support of Kashmir. Indian staff at their regional Headquarters is the reason. Please post in reply suspended accounts that you know.
— Asif Ghafoor (@peaceforchange) August 17, 2019
انہوں نے ٹویٹ کیا تھا کہ فیس بک اور ٹوئٹر کے علاقائی ہیڈکوارٹر میں کام کرنے والا بھارتی عملہ ان اکاؤنٹس کے معطل ہونے کی وجہ ہے۔
