کراچی:پاکستان میں باوجود وسائل کے کمی کے ایسا ٹیلنٹ موجود ہے جو کسی بھی بین الاقوامی ملک کے وسائل رکھنے والے کھلاڑیوں کو با آسانی چیلنج کرسکتا ہے۔
سوشل میڈیا پر کوئٹہ سے تعلق رکھنے والے اسکول کے بچوں کی ویڈیو وائرل ہو گئی ہے جس میں دیکھا جا سکتا ہے کہ کیسے یہ کم عمر بچے کسی ماہر ایتھلیٹ کی طرح کرتب دیکھا رہے ہیں۔
Amazing natural talent. They should be trained for international games https://t.co/d1AlJipAWY
— SenatorMurtaza Wahab (@murtazawahab1) February 10, 2019
بچوں کی ویڈیو وائرل ہونے کے بعد پاکستان پیپلز پارٹی کے رہنما سینیٹر مرتضی وہاب نے بھی باصلاحیت بچوں کو سراہا اور سماجی رابطے کی ویب سائٹ ٹوئڑ پر جاری اپنے پیغام میں کہا کہ حیرت انگیز کمال کا ٹیلینٹ، ان بچوں کو بین الاقوامی کھیلوں کے لیے تیار کرنا چاہیے۔
پیپلز پارٹی کے رہنما مرتضی وہاب کے علاوہ بھی کئی صارفین کی جانب سے ان باصلاحیت بچوں کی داد رسی کی گئی ہے۔
ٹوئٹر کے ایک صارف نے لکھا کہ زرا نم ہو تو یہ مٹی بڑی زرخیز ہے ساقی۔
ایک اور ٹویٹ میں کہا گیا کہ بغیر کسی حفاظتی ساز و سامان اور باقاعدہ تربیت کے بچوں کی جانب سے ایسے کرتب کا مظاہرہ ایک قدرتی ٹیلنٹ کی مثال ہے۔
