اسلام آباد: یوم کشمیر پر روم میں کشمیریوں سے اظہار یک جہتی کے لیے بھارتی مظالم کے خلاف احتجاج کیا گیا۔
#KashmirSolidarityDay
Protestors in #Rome take to streets in show of solidarity with the #Kashmiris living under Indian occupation. They highlighted the atrocities and human rights violations being carried out by the Indian forces in occupied J&K#KashmirBleeds @ohchr @amnesty pic.twitter.com/YBZe2yyWTC— Dr Mohammad Faisal (@ForeignOfficePk) February 4, 2019
دفتر خارجہ کے ترجمان ڈاکٹر محمد فیصل نے اپنے ایک ٹویٹ میں لکھا ہے کہ روم کی سڑکوں پر مقبوضہ کشمیر میں بھارتی مظالم کے خلاف احتجاج کیا گیا جس کا مقصد یوم کشمیر پر مظلوم کشمیری عوام سے اظہار یک جہتی تھا۔
انہوں نے اپنے ٹویٹ میں یہ بھی کہا کہ مظاہرین نے مقبوضہ وادی میں بھارتی افواج کی جانب سے کی جانے والی انسانی حقوق کی خلاف ورزیوں کی جانب توجہ مبذول کرائی۔
گزشتہ روز وفاقی وزیر خارجہ شاہ محمود قریشی نے کہا تھا کہ مقبوضہ جموں و کشمیر کے حوالے سے پاکستان کا مؤقف انتہائی واضح اور دو ٹوک ہے۔
انہوں نے یوم یکجہتی کشمیر سے متعلق منعقد بین الاقوامی تقریبات میں شرکت کے لیے لندن روانگی سے قبل کہا تھا کہ کشمیر ہماری خارجہ پالیسی کا اہم ستون ہے۔ لندن میں یوم یکجہتی کشمیر کے موقع پر نہتے کشمیریوں پر ہونے والے بھارتی مظالم اور جبر استبداد کے خلاف بھر پور آواز اٹھائیں گے۔
