پاکستان کرکٹ ٹیم کے کپتان سرفراز احمد نے جنوبی افریقہ کے خلاف میچ کے دوران نازیبا الفاظ استعمال کرنے پر معافی مانگ لی۔
اپنے ٹوئٹر پیغام میں سرفراز کا کہنا تھا کہ اگر میچ کے دوران غصے میں کہے گئے الفاظ سے کسی کی دل آزاری ہوئی تو معافی مانگتا ہوں۔
1/2 – I wish to extend my sincere apologies to any person who may have taken offence from my expression of frustration which was unfortunately caught by the stump mic during yesterday’s game against SA. My words were not directed towards anyone in particular and…
— Sarfaraz Ahmed (@SarfarazA_54) January 23, 2019
سرفراز احمد نے کہا کہ میرے الفاظ حالات پر مبنی تھے کسی کی دل آزاری کرنا مقصد نہیں تھا، میرے الفاظ کسی ساتھی کرکٹر یا مخالف ٹیم کیلئے نہیں تھے۔
2/3 – I certainly had no intention of upsetting anyone. I did not even mean for my words to be heard, understood or communicated to the opposing team or the cricket fans. I have in the past and will continue in future to appreciate the camaraderie of my fellow cricketers from…
— Sarfaraz Ahmed (@SarfarazA_54) January 23, 2019
انہوں نے کہا کہ مخالف ٹیم سے ہمیشہ اچھے تعلقات بنائے اور مستقبل میں گراؤنڈ یا گراؤنڈ سے باہر اسی کو برقرار رکھوں گا۔
ایک روزہ میچ کے دوران سرفراز احمد نے مبینہ طور پر جنوبی افریقا کے سیاہ فام کھلاڑی اینڈائل پھلا کوائیو کے حوالے سے تضحیک آمیز جملہ ادا کیا تھا جس کے بعد سوشل میڈیا پر تنازع پیدا ہوگیا تھا۔
3/3 – …across the globe and will always respect and honour them on and off the field.
— Sarfaraz Ahmed (@SarfarazA_54) January 23, 2019
سابق ٹیسٹ کرکٹرز نے بھی سرفراز احمد کے رویے کو افسوسناک قرار دیا تھا۔
سابق فاسٹ باؤلر شعیب اخترنے واقع کو افسوسناک قرار دیتے ہوئے واضح کیا تھا کہ اس طرح کے کمنٹس کا سخت نوٹس لیا جائے گا اوروہ معطل بھی ہوسکتے ہیں۔
عالمی میڈیا کے مطابق جوہانسبرگ کے ایک ہوٹل میں سرفرازاحمد اور میچ ریفری رانجن مدوگا لے کے درمیان ملاقات ہوئی جس کے بعد میچ ریفری نے اپنی رپورٹ مزید کارروائی کے لیے آئی سی سی کو بھیج دی ہے۔
ذرائع کے مطابق پاکستانی ٹیم کے کپتان سرفراز احمد نے اپنی غلطی کا اعتراف کیا ہے لیکن ساتھ ہی واضح کیا ہے کہ ان کے جملے سے نسلی تعصب کا تاثر لینا درست نہیں ہے۔
اس ضمن میں ذرائع کا کہنا ہے کہ سرفراز احمد کا مؤقف ہے کہ نادانستگی میں اورمیچ کی صورتحال کے باعث انہوں نے فقرہ کس دیا تھا۔