اسلام آباد: وزیر اعظم عمران خان نے آسٹریلوی سرزمین پر سیریز جیتنے پر بھارتی کرکٹ ٹیم کو مبارکباد پیش کی ہے۔
سماجی رابطے کی ویب سائٹ ٹویٹر پر اپنے پیغام میں وزیر اعظم عمران خان کا کہنا تھا کہ ویرات کوہلی اور بھارتی کرکٹ ٹیم کو پہلی ایشیائی ٹیم کے طور پر آسٹریلوی میدانوں میں سیریز جیتنے پر مبارکباد۔
Congratulations to Virat Kohli and the Indian cricket team for the first ever win by a subcontinent team in a test series in Australia
— Imran Khan (@ImranKhanPTI) January 8, 2019
واضح رہے بھارت نے آسٹریلیا کے خلاف چوتھا ٹیسٹ میچ ڈرا ہونے پر سیریز دو ایک سے اپنے نام کر لی تھی جس کے بعد بھارتی کرکٹ ٹیم نے آسٹریلوی سرزمین پر ٹیسٹ سیریز جیتنے والی پہلی ایشیائی ٹیم کا اعزاز اپنے نام کیا تھا۔
چوتھے ٹیسٹ میچ کے پانچویں روز وقفے وقفے سے جاری بارش کی وجہ سے میچ کا نتیجہ ڈرا پر منتج ہوا۔
ویرات کوہلی کی قیادت میں بھارت نے چار ٹیسٹ میچوں کی سیریز اپنے نام کرکے نا صرف آسٹریلوی سر زمین پر پہلی سیریز جیتی بلکہ بھارت کینگروز کی سرزمین پر ٹیسٹ سیریز جیتنے والا پہلا ایشیائی ملک بھی بن گیا۔
بڑی کامیابی پر دنیا بھر سے بھارتی کرکٹ ٹیم کو مبارکباد کے پیغامات بھیجنے کا سلسلہ جاری ہے۔
