نئی دہلی: اداکارہ انوشکا شرما اور بھارتی کرکٹ ٹیم کے کپتان ویراٹ کوہلی اپنی شادی کی پہلی سالگرہ منا رہے ہیں، بالی ووڈ کا معروف جوڑا گزشتہ سال اٹلی میں رشتہ ازدواج میں منسلک ہوا تھا۔
انوشکا شرما اور ویراٹ کوہلی نے شادی کی سالگرہ کے موقع پر سوشل میڈیا پر خوبصورت پیغامات شیئر کر کے خوشی کا اظہار کیا۔
انوشکا شرما کا اپنے پیغام میں کہنا تھا کہ اچھے انسان سے شادی کر کے آپ کی زندگی جنت بن جاتی ہے۔ انوشکا نے اپنے ٹویٹر اکاؤنٹ پر شادی کے کچھ لمحات کی خوبصورت ویڈیو شیئر کی۔
https://twitter.com/AnushkaSharma/status/1072359108274081797
کرکٹر ویراٹ کوہلی کا کہنا تھا کہ پتا ہی نہیں چلا ایک سال بیت گیا، وقت حقیقتاً پر لگا کر اڑ گیا۔ انہوں نے شادی کی تصاویر شیئر کرتے ہوئے انوشکا کو شادی کی سالگرہ کی مبارکباد بھی دی۔
Can't believe it's been a year already because it feels like it happened just yesterday. Time has truly flown by. Happy anniversary to my best friend and my soulmate. Mine forever ❤ @AnushkaSharma pic.twitter.com/eKL9wlpU4R
— Virat Kohli (@imVkohli) December 11, 2018
واضح رہے بولی ووڈ میں سب سے زیادہ موضوع بحث جوڑے انوشکا شرما اور ویراٹ کوہلی نے گزشتہ سال 11 دسمبر کو اٹلی میں شادی کی تھی، جس میں خاندان کے قریبی افراد شریک ہوئے تھے، بعد ازاں ان کی شادی کے استقبالیے کی دو تقاریب بھارت میں بھی منقعد کی گئی تھیں۔
