اسلام آباد: حکومت پاکستان نے ماہ ربیع الاول کو سرکاری سطح پر منانے کا فیصلہ کیا ہے۔
وفاقی وزیر اطلاعات فواد چوہدری نے سماجی رابطے کی ویب سائٹ ٹوئٹر پر ربیع الاول کو سرکاری طور پر منانے کا اعلان کرتے ہوئے کہا ہے کہ محمد مصطفی صلی اللہ علیہ وسلم کے یوم پیدائش کے موقع پر شایان شان پروگرامات ترتیب دیئے گئے ہیں۔
فواد چوہدری نے کہا ہے کہ عالمی رحمت العالمین صلی اللہ علیہ وسلم کانفرنس کا افتتاح وزیر اعظم عمران خان کریں گے۔
نو نومبر کو ربیع الاول کا چاند نظر آ گیا ہے جب کہ 20 نومبر کو 12 ربیع الاول مذہبی عقیدت و احترام سے منایا جائے گا۔
رحمةاللعالمین کانفرنس کے انعقاد کے لیے قائم آرگنائزنگ کمیٹی کے اجلاس میں وفاقی وزیر برائے مذہبی امور نورالحق قادری کی زیرصدارت اجلاس میں آرگنائزنگ کمیٹی کے اراکین کی شرکت
عید میلاد النبی شایان شان انداز میں مکمل عقیدت و احترام سے منائیں گے – نور الحق قادری pic.twitter.com/64n2M4PHIl
— Fawad Chaudhry (@FawadPTIUpdates) November 8, 2018
فواد چوہدری نے کہا کہ ہر گزرتے دن کے ساتھ حضور صلی اللہ علیہ وسلم کا لایا ہوا نظام اپنی حقانیت اور اہمیت ثابت کر رہا ہے جب کہ 12 ربیع الاول کی مناسبت سے پاکستان کے مختلف شہروں سے نکلنے والے جلوسوں کی سرکاری سطح پر خصوصی کوریج کا اہتمام کیا جائے گا۔