اسلام آباد ہائی کورٹ نے سی ڈی اے کے200 فلیٹس پر 16 سال سے قابض وفاقی پولیس کو فوری فلیٹ خالی کرنے کاحکم دے دیا۔
جسٹس محسن اختر کیانی اور جسٹس طارق محمود جہانگیری پر مشتمل ڈویژن بنچ نے سی ڈی اے کی جانب سے دائر انٹرا کورٹ اپیل پر جاری فیصلہ میں پولیس کا قبضہ غیر قانونی قرار دے دیا۔
عدالت کا کہنا ہے کہ اسلام آباد پولیس نے فلیٹس لال مسجد آپریشن کے وقت لئے تھے، ان پر قبضہ پولیس کی جانب سے کھلی ہٹ دھرمی ہے۔
سی ڈی اے: گریڈ 16 سے اوپر کے ملازمین کا ایک دن کی تنخواہ سیلاب زدگان کیلئے عطیہ کرنیکا فیصلہ
دوسری جانب بی بی سی اردو کے مطابق اسلام آباد پولیس کا کہنا ہے کہ محکمے کے پاس رہائشی سہولتیں بہت کم ہیں خاص طور پر کانسٹیبل سے لے کر انسپکٹر تک کے افسران کے لیے رہائشی سہولتوں کا فقدان ہے۔
وزارت داخلہ کو درخواست کی جائے گی کہ عدالتی حکم کی تعمیل کے ساتھ پولیس اہلکاروں کی رہائشوں کو باضابطہ کرنے کے اقدامات کیے جائیں۔