اسلام آباد : عالمی وبا قرار دیے جانے والے کورونا وائرس سے بچاؤ کی ویکسین بزرگ شہریوں کو لگانے کے لیے ان کی رجسٹریشن آئندہ ہفتے سے شروع کردی جائے گی۔
چینی ویکسین شدید بیماری میں 100 فیصد مؤثر ثابت ہوئی، فیصل سلطان
ہم نیوز کے مطابق پاکستان تحریک انصاف سے تعلق رکھنے والے وفاقی وزیر برائے منصوبہ بندی اسد عمر نے اس بات کا اعلان سماجی رابطے کی ویب سائٹ ’ٹوئٹر‘ پر کیا ہے۔
Inshallah will be opening up registration next week for covid vaccination for those 65 years and above. The vaccination of those who register in this category will start in march
— Asad Umar (@Asad_Umar) February 10, 2021
وفاقی وزیر اسد عمر کے مطابق حکومت پاکستان کی جانب سے کیے جانے والے فیصلے کے تحت ویکسینیشن کے اگلے مرحلے میں سے 65 سال اور اس سے زائد عمر کے افراد کی رجسٹریشن کا آغاز کردیا جائے گا۔
ویکسین وی آئی پی کو کیوں لگائی؟ اسد عمر
اسد عمر کی جانب سے جاری کردہ پیغام میں کہا گیا ہے کہ انشا اللہ آئندہ ہفتے سے 65 سال اور زائد عمر والوں کی رجسٹریشن شروع کریں گے۔ ان کا کہنا ہے کہ ویکسینیشن کے لیے رجسٹرد افراد کو مارچ سے ویکسین دینے کا عمل شروع کردیا جائے گا۔
حکومتی فیصلے کے تحت پہلے مرحلے میں ہیلتھ ورکرز کی ویکسینیشن کی جا رہی ہے۔ این سی او سی کے مطابق ملک میں 27228 فرنٹ لائن ہیلتھ ورکرزکی ویکسینیشن ہو چکی ہے۔ اعداد و شمار کے مطابق سب سےزیادہ ہیلتھ ورکرزکی ویکسی نیشن سندھ میں ہوئی۔
پاکستان میں کورونا ویکسین صرف10 کروڑ افراد کو لگے گی
این سی او سی کے مطابق سندھ میں 21121 ، پنجاب میں 4458 ، کے پی میں 691، اسلام آباد میں 274 ہیلتھ ورکرزکی ویکسی نیشن ہوچکی ہے جب کہ آزاد کشمیر میں 239، گلگت بلتستان میں 312 اور بلوچستان میں 133 فرنٹ لائن ہیلتھ ورکرزکی بھی ویکسینیشن ہوئی ہے۔