اسلام آباد: وزیراعظم عمران خان نے سابق خاتون اول کلثوم نواز کی وفات پر دکھ اور افسوس کا اظہار کرتے ہوئے لواحقین کو قانون کے مطابق تمام سہولیات فراہم کرنے کا اعلان کیا ہے۔ وزیر اعظم کی جانب سے پاکستانی ہائی کمیشن لندن کو مرحومہ کے لواحقین کو تمام سہولیات دینے کی ہدایت کی گئی ہے۔
وزیراعظم عمران خان نے اپنے ٹویٹ میں کہا ہے کہ بیگم کلثوم کے انتقال کی خبر سن کر افسوس ہوا، وہ انتہائی باوقار خاتون تھیں اور انہوں نے بیماری کا بہادری سے مقابلہ کیا۔ وزیراعظم پاکستان نے شریف خاندان سے اظہار تعزیت کرتے ہوئے کہا کہ میری دعائیں ان کے ساتھ ہیں۔
Sad to learn of Begum Kulsoom Nawaz’s death. She was a courageous woman of great dignity and confronted her disease with fortitude. My condolences and prayers go to the Sharif family.
— Imran Khan (@ImranKhanPTI) September 11, 2018
صدر پاکستان ڈاکٹرعارف علوی نے بھی اظہار افسوس کرتے ہوئے مرحومہ کی بلندی درجات کے لیے دعا کی ہے۔
I express my sincere regrets on the sad demise of Begum Kulsoom Nawaz. My condolences to the Sharif family on this loss. May her soul rest in peace
— The President of Pakistan (@PresOfPakistan) September 11, 2018
آئی ایس پی آر کے مطابق پاک فوج کے سربراہ جنرل قمر جاوید باجوہ نے بھی بیگم کلثوم نواز کے انتقال پرافسوس کا اظہار کیا ہے۔
إِنَّا لِلّهِ وَإِنَّـا إِلَيْهِ رَاجِعون
COAS expresses his grief and heartfelt condolences to the bereaved family on sad demise of Begum Kulsoom Nawaz. “May Allah bless the departed soul eternal peace at Heaven-Amen”, COAS.
— Maj Gen Asif Ghafoor (@OfficialDGISPR) September 11, 2018
پاکستان میں امریکی سفارت خانے کی جانب سے بھی سابق خاتون اول کے انتقال پر افسوس کا اظہار کرتے ہوئے تعزیتی پیغام بھیجا گیا ہے۔
“On behalf of the U.S. Mission in Pakistan we would like to express our condolences over the passing of the former First Lady of Pakistan Begum Kulsoom Nawaz.” – Chargé d’affaires a.i. John Hoover #USEmbassyISB #USinPAK #USPAK #condolences #RIP #CDAJohnHoover pic.twitter.com/J6PdaeeMUv
— US Embassy Islamabad (@usembislamabad) September 11, 2018
پاکستان تحریک انصاف کی جانب سے بھی سابق خاتون اول کے انتقال پر افسوس کا اظہار کرتے ہوے کہا گیا ہے کہ وہ ہماے لیے انتہائی قابل احترام ہیں۔ وہ ایک آمر کے سامنے اکیلے چٹان کی طرح ڈٹی رہیں۔ اللہ انہیں جواررحمت میں جگہ عطا فرمائے۔
We are extremely saddened by the news of Begum Kulsoom Nawaz’s passing away. We have massive respect for her, who stood like a rock in the face of a dictator, when no one else around her did. May she rest in peace. #KalsoomNawaz
— PTI (@PTIofficial) September 11, 2018
چیئرمین پاکستان پیپلز پارٹی بلاول بھٹو زرداری نے بیگم کلثوم نواز کے انتقال پر گہرے دکھ اور افسوس کا اظہار کرتے ہوئے کہا کہ بیگم کلثوم نواز ایک بہادر خاتون تھیں، انہوں نے کہا کہ بیگم کلثوم نواز نے جمہوریت کے لئے جدوجہد کی۔
بختاور بھٹو زرداری نے بھی خاتون اول کے انتقال پر افسوس کا اظہار کیا ہے۔ انہوں نے کہا کہ میری ہمدردی نواز خاندان بالخصوص مریم نواز کے ساتھ ہیں۔بختاور بھٹو نے کہا کہ کلثوم نواز ایک ماں، بیوی اور سابق خاتون اول تھیں اللہ انہیں جواررحمت میں جگہ عطا فرمائے۔
Very tragic news of Begum Kulsoom passing away in London. My heartfelt condolences to the entire PMLN family especially @MaryamNSharif. She was a wife & mother but also a First Lady of Pakistan & deserves the nation’s respect. May she rest in peace.
— Bakhtawar B-Zardari (@BakhtawarBZ) September 11, 2018
جمعیت علماء اسلام کے سربراہ مولانا فضل الرحمان نے بھی بیگم کلثوم نواز کے انتقال پر اظہار افسوس کرتے ہوئے کہا کہ اللہ تعالیٰ بیگم کلثوم نواز کو جوار رحمت میں جگہ عطاء فرمائے۔ ان کا کہنا تھا کہ بیگم کلثوم نواز بہادر خاتون تھی، ان کی وفات پر انتہائی افسوس ہوا۔
وزیراعلیٰ سندھ سید مراد علی شاہ نے بھی بیگم كلثوم نواز كے انتقال پر گہرے دکھ کا اظہار کیا ہے۔
* وزیراعلیٰ سندھ سید مراد علی شاہ کا بیگم كلثوم نواز كے انتقال پر گہرے دکھ کا اظہار
* شریف فیملی كے ساتھ افسوس کا اظہار، ترجمان وزیراعلیٰ سندھ— CMHouseSindh (@SindhCMHouse) September 11, 2018
وزیراعلیٰ بلوچستان جام کمال نے اپنے تعزیتی پیغام میں کہا ہے کہ اللہ تعالیٰ بیگم کلثوم نواز کو جنت میں جگہ عطا فرمائے۔
May Allah Pak Bless Begum Kulsoom Nawaz and grant her janna.
— Jam Kamal Khan (@jam_kamal) September 11, 2018
چیئرمین سینیٹ محمد صادق سنجرانی نے کلثوم نواز کے انتقال پر اظہار افسوس کرتے ہوئے اپنے تعزیتی پیغام میں کہا ہے کہ اللہ تبارک وتعالیٰ مرحومہ کو اپنی جوار رحمت میں جگہ دے اور لواحقین کو یہ صدمہ صبر اور حوصلے سے برداشت کرنے کی ہمت عطا کرے۔
فاطمہ بھٹو زرداری نے بھی سابق خاتون اول کے انتقال پر شریف خاندان کے ساتھ افسوس کا اظہار کیا ہے۔
Condolences to the Sharif family on the passing of Kulsoom Nawaz, tragic to hear of a life lost far from loved ones
— fatima bhutto (@fbhutto) September 11, 2018
گورنر پنجاب چوہدری محمد سرور نے بیگم کلثوم نواز کے انتقال پر اپنے تعزیتی پیغام میں کہا ہے کہ اللہ تعالی مرحومہ کی مغفرت اور ان کے خاندان کو صبر عطا فرمائے۔ انہوں نے کہا ہے کہ دکھ کی اس گھڑی میں وہ شریف خاندان کے غم میں برابر کے شریک ہیں۔
پاکستان پیپپلزپارٹی کے سینیٹر رحمان ملک نے بھی سابق خاتون اول کے انتقال پر گہرے دکھ کا اظہار کرتے ہوئے کہا ہے کہ اللہ تعالی مرحومہ کو جوار رحمت میں اعلی مقام عطا فرمائے۔
سابق وزیرداخلہ نے کہا ہے کہ جمہوریت کے لیے بیگم کلثوم نواز کی کوششیں و قربانیاں ہمیشہ یاد رکھی جائیں گی۔ انہوں نے کہا کہ اللہ تعالی کلثوم نواز کے غمزدہ خاندان کو صبر جمیل عطا فرمائے۔
پاکستان پیپلزپارٹی کی رہنما شرمیلافارقی نے بھی سابق خاتون اول کے انتقال کے پر افسوس کا اظہار کرتے ہوئے کہا ہے کہ اللہ تعالیٰ ان کے خاندان کو صبر عطا فرمائے۔
Very sad news of Begum kulsoom Nawaz passing away.. may Allah grant her maghfirat… May Allah give sabr to her family
— Sharmila faruqi (@sharmilafaruqi) September 11, 2018
اسپیکر قومی اسمبلی اسد قیصر اور ڈپٹی اسپیکر محمد قاسم خان سوری نے بھی بیگم کلثوم نوا ز کے انتقال پر گہرے دکھ اور افسوس کا اظہار کیا ہے۔ اسپیکر و ڈپٹی اسپیکر کا بیگم کلثوم نواز کی سیاسی و سماجی خدمات کو خراج تحسین بھی پیش کیا۔ انہوں نے اپنے پیغام میں کہا کہ بیگم کلثوم نواز نے ملک میں جمہوریت کی بحالی اور استحکام کے لیے گراں قدر خدمات سر انجام دیں۔
وزیرخارجہ شاہ محمود قریشی نے اپنے تعزیتی پیغام میں کہا ہے کہ اللہ تعالیٰ کلثوم نواز کو جنت میں اعلیٰ مقام عطا فرمائے۔ انہوں نے کہا لندن میں پاکستانی سفارت خانے کو ہدایت کردی گئی ہے کہ ہر ممکنہ طریقے سے لوحقین کی مدد کی جائے۔
Deeply Saddened to know about the demise of Begum Kalsoom Nawaz. May Allah bless her soul with the highest place in Paradise. I have instructed the Pakistani High Commission in London to facilitate the bereaved family in all possible ways.
— Shah Mahmood Qureshi (@SMQureshiPTI) September 11, 2018
پاکستان میں جرمنی کے سفیر مارٹن کوبلر نے کلثوم نواز کے انتقال پر اپنے تعزیتی پیغام میں کہا ہے کہ میری دعا ہے کہ اللہ تعالیٰ انہیں جواررحمت میں جگہ عطا فرمائے۔
پاکستان پیپلزپارٹی کی شعبہ خواتین کی مرکزی صدر فریال تالپور کی جانب سے بیگم کلثوم نواز کے انتقال گہرے دکھ و افسوس کا اظہار کرتے ہوئے کہا گیا ہے کہ کلثوم نواز باہمت و باوقار خاتون تھیں ملک میں بحالی جمہوریت کے لیئے ان کی خدمات ہمیشہ یاد رکھی جائیں گی۔
پاکستان تحریک انصاف کی رہنما شیریں مزاری نے بھی کلثوم نواز کے انتقال پر اظہار تعزیت کیا ہے۔
Truly saddened to hear of the passing of Begum Kulsoom Nawaz. She was a courageous lady who confronted political adversity and illness with a resoluteness and quiet dignity.
— Shireen Mazari (@ShireenMazari1) September 11, 2018
پاکستان مسلم لیگ(ن ) کی سینئر رہنما تہمینہ دولتانہ ہم نیوز سے گفتگو کرتے ہوئے کہا کہ آبدیدہ ہو گئیں۔ انہوں نے اظہار افسوس کرتے ہوئے کہا کہ کلثوم نواز بہادر اور عظیم لیڈر تھیں ان کا پارٹی میں عظیم کردار ہے۔
ہم نیوز سے خصوصی گفتگو کرتے ہوئے سابق گورنر سندھ محمد زبیر نے کہا کہ کلثوم نواز کا انتقال ان کے شوہر، ان کی بیٹی اور داماد کے لیے المناک لمحہ ہے۔ محمد زبیر نے کہا کہ اللہ کلثوم نواز کو جنت میں اعلیٰ مقام اور ان کے اہل خانہ کو صبر عطا کرے۔
محمد زبیر نے کہا کہ کلثوم نواز پڑھی لکھی اور باوقارخاتون تھیں، وہ ہمیشہ مریم نواز کو حوصلے کے ساتھ آگے بڑھنے اور ہمت نہ ہارنے کا مشورہ دیتی تھیں۔
وزیراطلاعات چودھری فواد حسین نے بیگم کلثوم نواز کے انتقال پر کہا ہے کہ اللہ تعالیٰ مرحومہ کی مغفرت اور جنت میں اعلیٰ مقام عطا کرے۔
انہوں نے کہا کہ بیگم کلثوم نواز باہمت اور بہادرخاتون تھیں اور کٹھن حالات میں بھی ثابت قدم رہیں۔ انہوں نے بتایا کہ مقامی حکومتوں کے اجلاس کے دوران بیگم کلثوم نواز کے انتقال کی خبر ملی تو وزیراعظم نے اجلاس روک کر بیگم کلثوم نواز کو خراج عقیدت پیش کیا۔
وزیراطلاعات نے بتایا کہ وزیراعظم نے لندن میں پاکستانی کمیشن کو ہدایت کی ہے کہ نواز خاندان کو تمام معاونت فراہم کی جائے۔
سینئر لیگی رہنما جاوید ہاشمی نے بھی سابق خاتون اول کے انتقال پر اظہار افسوس کیا اور انکے لواحقین کے لیے صبر کی دعا کی۔
إِنَّا لِلّهِ وَإِنَّـا إِلَيْهِ رَاجِعون
Praying for her, Begum Kulsoom Nawaz. May she RIP. May Allah give sabr to the family at this time of grief. #KulsoomNawaz pic.twitter.com/vcA5RMaNki#KulsoomNawaz
— Javed Hashmi (@MkJavedHashmi) September 11, 2018
چیف جسٹس آف پاکستان جسٹس ثاقب نثار نے بھی سابق خاتون اول بیگم کلثوم نواز کے انتقال پر افسوس کا اظہار کیا ہے۔
پاک فضائیہ کے سربراہ ائیر چیف مارشل مجاہد انورخان نے بیگم کلثوم نواز کی وفات پر گہرے دکھ کا اظہار کرتے ہوئے مرحومہ کے بلند درجات کے لیے دعا کی ہے۔
سابق وزیراعظم نواز شریف کی اہلیہ اور سابق خاتون اول بیگم کلثوم نواز گیارہ ستمبر کو کینسر کے عارضہ کے باعث 68 برس کی عمر میں لندن کے اسپتال میں انتقال کر گئی ہیں۔
بیگم کلثوم نواز کو اگست 2017 میں لندن کے ہارلے کلینک لے جایا گیا جہاں انہیں کینسر تشخیص کیا گیا۔ جون 2018 میں دل کا دورہ پڑنے پر انہیں اسی طبی مرکز میں دوبارہ داخل کرایا گیا، جہاں وہ وفات تک زیر علاج رہیں۔
