بالی ووڈ کے معروف اداکار بومن ایرانی کی جانب سے امریکی صدر ڈونلڈ ٹرمپ کے ایران کے ساتھ امن مذاکرات سے متعلق ایک طنزیہ ویڈیو سوشل میڈیا پر وائرل ہو گئی ہے۔
بومن ایرانی نے اپنے انسٹاگرام اکاؤنٹ پر ایک ویڈیو شیئر کی، جس میں انہوں نے اپنے نام میں “ایرانی” ہونے کے باعث ٹرمپ کے ایران کے ساتھ مذاکرات کو اپنے ساتھ اور دیگر ان افراد کے ساتھ جوڑا جن کے نام میں میں ایرانی شامل ہے، اور کہا کہ یہ سب بھی مذاکرات کے لیے تیار ہیں۔
معروف بھارتی ریپر کی دوران شو ایسی شرمناک حرکت، ویڈیو وائرل
اداکار نے کہا کہ چونکہ ٹرمپ ایرانیوں کے ساتھ بات کرنا چاہتے ہیں، اس لیے وہ بھی اس مذاکرات میں حصہ لینے کے لیے تیار ہیں۔ تاہم، انہوں نے مزاحیہ انداز میں کہا کہ وہ واشنگٹن نہیں آ سکتے، اس لیے ٹرمپ اور ان کے وفد کو ان کے گھر آنا ہوگا۔
گفتگو کے دوران انہوں نے یہ بھی کہا کہ وہ مہمانوں کی خاطر تواضع کریں گے، تاہم سہولت کے لیے وفد اپنے ساتھ ایک بڑا گیس سلنڈر بھی لے آئے۔
View this post on Instagram
اداکار کے اس منفرد اور طنزیہ تبصرے کے بعد سوشل میڈیا پر مختلف آراء سامنے آئی ہیں۔ متعدد صارفین نے ان کے مزاحیہ انداز کو سراہا اور اسے دلچسپ قرار دیا، جبکہ کچھ حلقوں نے اس پر تنقیدی ردِعمل بھی ظاہر کیا۔
طلاق کے معاملے پر سمیع رشید کے الزامات، سحر حیات نے خاموشی توڑ دی
واضح رہے کہ یہ ویڈیو ایسے وقت میں وائرل ہوئی ہے جب امریکا اور ایران کے درمیان ممکنہ مذاکرات اور تعلقات سے متعلق خبریں عالمی سطح پر زیرِ بحث ہیں، جس کے باعث بومن ایرانی کا یہ تبصرہ مزید توجہ کا مرکز بن گیا ہے۔
