بھارتی فلم انڈسٹری کے معروف اداکار پرکاش راج کی والدہ سورنا لاتھا 86 سال کی عمر میں انتقال کر گئیں۔
بھارتی میڈیا رپورٹس کے مطابق ان کا انتقال 29 مارچ 2026 کو بنگلور میں ان کی رہائش گاہ پر ہوا، جہاں وہ طویل عرصے سے عمر سے متعلق صحت کے مسائل کا سامنا کر رہی تھیں۔
شوٹنگ کے دوران اداکار سمندر میں ڈوب کر جان کی بازی ہار گیا
اطلاعات کے مطابق مرحومہ کو بڑھاپے سے جڑی پیچیدگیوں کا سامنا تھا، جن کے باعث ان کی صحت گزشتہ کچھ عرصے سے متاثر تھی۔ اداکار پرکاش راج نے اپنے سوشل میڈیا اکاؤنٹ پر اس افسوسناک خبر کا اعلان کرتے ہوئے اپنی والدہ کے انتقال پر گہرے دکھ اور افسوس کا اظہار کیا۔
یاد رہے کہ ماضی میں پرکاش راج نے اپنی والدہ کی صحت کے مسائل کے حوالے سے کھل کر گفتگو کی تھی۔ انہوں نے بتایا تھا کہ ان کی والدہ کو برین سسٹ (دماغی رسولی) کی تشخیص ہوئی تھی، جس کے بعد ان کی سرجری کی گئی، تاہم اس آپریشن کے بعد انہیں شدید یادداشت کے مسائل کا سامنا کرنا پڑا۔
فلمی حلقوں، شائقین اور متعدد ساتھی فنکاروں نے بھی پرکاش راج کے ساتھ اظہارِ ہمدردی کیا ہے۔ اداکار و سیاسی رہنما پوان کلیان نے بھی سوشل میڈیا پر تعزیت کرتے ہوئے مرحومہ کی روح کے لیے دعائے مغفرت کی درخواست کی ہے۔
طلاق کے معاملے پر سمیع رشید کے الزامات، سحر حیات نے خاموشی توڑ دی
پرکاش راج جنوبی اور بالی ووڈ فلم انڈسٹری میں اپنے متنوع اور یادگار کرداروں کے لیے جانے جاتے ہیں، اور اس ذاتی نقصان پر ان کے مداحوں اور فلمی برادری میں گہرے دکھ اور افسوس کی لہر دوڑ گئی ہے۔
