بین الاقوامی شہرت یافتہ اداکارہ پریانکا چوپڑا نے حال ہی میں اپنے کیریئر کے اہم فیصلے پر کھل کر بات کی۔
پریانکا چوپڑا نے حالیہ ایک انٹرویو میں کہا کہ بالی ووڈ میں کام کے دوران انہیں محدود مواقع اور پیشہ ورانہ چیلنجز کا سامنا رہا۔ میں چاہتی تھی کہ اپنی شناخت کو برقرار رکھوں اور نئے مواقع تلاش کروں، اسی لیے میں نے ہالی ووڈ کا رخ کیا۔
زینڈایا اور ٹام ہالینڈ کی خفیہ شادی؟ اسٹائلسٹ کے بیان نے مداحوں کو حیران کر دیا
پریانکا نے کہا کہ بالی ووڈ میں مسلسل کام نہ ملنے اور فلمی صنعت میں سیاست و تعلقات کے اثرات نے میرے کیریئر کے امکانات محدود کر دیے تھے، اس لیے میں نے بین الاقوامی سطح پر اپنے کیریئر کو آگے بڑھانے کا فیصلہ کیا۔
انہوں نے بتایا کہ ہالی ووڈ میں قدم رکھنے سے پہلے وہ موسیقی اور تفریحی شعبوں میں متنوع تجربات حاصل کر رہی تھیں، جنہوں نے انہیں نئے مواقع اور خود اعتمادی فراہم کی۔ بعد ازاں، امریکی ڈرامہ “کوانٹیکو” میں ان کی کامیابی نے انہیں عالمی سطح پر پہچان دی اور ہالی ووڈ میں ایک مستحکم مقام دلایا۔
پریانکا کے مطابق ہالی ووڈ میں کام کرنا اُن کے لیے ایک نیا آغاز اور تخلیقی آزادی تھا، جس نے انہیں نئے چیلنجز قبول کرنے اور اپنی صلاحیتوں کو بین الاقوامی سطح پر ثابت کرنے کا موقع فراہم کیا۔
ہانیہ عامر کی شادی کی افواہوں پر بھارتی گلوکار بادشاہ کا دلچسپ ردعمل
واضح رہے کہ پریانکا چوپڑا نہ صرف بالی ووڈ اور ہالی ووڈ میں کامیاب اداکارہ ہیں بلکہ ایک بین الاقوامی شہرت یافتہ شخصیت بھی ہیں۔ وہ اپنے شوہر، معروف گلوکار نک جوناس، اور بیٹی کے ساتھ خوشحال خاندانی زندگی گزار رہی ہیں۔ اپنے فن، فلاحی کاموں اور سماجی اثر و رسوخ کے ذریعے، پریانکا نوجوان فنکاروں کے لیے ایک مثالی رول ماڈل بن چکی ہیں۔
