وزیراعظم شہباز شریف نے کہا ہے کہ پاکستان اور چین کا تعلق ہمیشہ مضبوط رہے گا۔
وزیر اعظم شہباز شریف نے چین کے نئے سال پر چینی صدر شی جن پنگ اور چینی عوام کے لیے نیک خواہشات کا اظہار کیا ہے۔
اپنے تہنیتی پیغام میں وزیر اعظم نے کہا کہ شی جن پنگ اور چین کے عوام کو خوشیوں بھرا نیا سال مبارک ہو۔ انہوں نے اس امید کا اظہار کیا کہ نیا سال پاکستان اور چین کے درمیان دوستی اور باہمی تعاون کو مزید مضبوط بنائے گا۔
وزیر اعظم شہباز شریف نے چینی عوام کی صحت، کامیابی اور خوشحالی کے لیے نیک تمناؤں کا اظہار کرتے ہوئے کہا کہ پاکستان اور چین کا تعلق ہمیشہ مضبوط رہا ہے اور آئندہ بھی مزید مستحکم ہوگا۔
عمران خان کی بینائی میں نمایاں بہتری آگئی
وزیراعظم شہباز شریف نے کہا کہ پوری پاکستانی قوم بھی اپنے چینی بھائیوں اور بہنوں کی خوشیوں میں برابر کی شریک ہے اور ان کے لیے دل سے دعاگو ہے۔
