آئی سی سی نے پلیئرز کی نئی رینکنگ جاری کر دی ہے۔ صائم ایوب نے تمام آل راؤنڈرز کو پیچھے چھوڑ دیا۔
ٹیسٹ بیٹرز میں پاکستان کے سعود شکیل ایک درجہ ترقی سے 9 ویں نمبر پر آگئے ہیں، جو روٹ کی پہلی پوزیشن برقرار ہے، کین ولیمسن کا دوسرا اور اسٹیو سمتھ کا تیسرا نمبر ہے۔
آئی سی سی کی رینکنگ کے مطابق بالرز میں مچل اسٹارک ایک درجہ ترقی سے دوسرے نمبر پر آگئے، پاکستان کے نعمان علی کا چوتھا نمبر، بھارتی جسپریت بمرا پہلے نمبر پر موجود ہیں۔
ون ڈے بیٹرز میں روہت شرما کی پہلی پوزیشن برقرار، ویرات کوہلی کا دوسرا نمبر ہے، بابر اعظم کی چھٹی پوزیشن ہے۔
آئی سی سی ٹی 20 بیٹرز میں صاحبزادہ فرحان ایک درجہ تنزلی سے چھٹے نمبر پر چلے گئے ہیں، بھارت کے ابھیشک شرما کی پہلی پوزیشن برقرار ہے، بھارت کے تلک ورما دو درجہ بہتری کے بعد چوتھے نمبر پر براجمان ہیں۔ بابراعظم ایک درجہ تنزلی کے بعد 31ویں نمبر پر پہنچ گئے ہیں۔
کرکٹ آسٹریلیا کا بی بی ایل کھیلنے والے پاکستانی کھلاڑیوں سے متعلق اہم اعلان
ٹی ٹوئنٹی بالرز رینکنگ میں بھارت کے ورن چکرورتھی پہلے نمبر پر ہیں، پاکستان کے ابرار احمد چوتھی پوزیشن پر ہیں۔ ٹی ٹوئنٹی آل راؤنڈرز کی رینکنگ میں پاکستان کے صائم ایوب کی پہلی پوزیشن پر ہیں جبکہ محمد نواز بدستور پانچویں نمبر پر ہیں۔
