رواں سال کا آخری سپر مون 4 دسمبر کو نظر آئے گا۔ یہ سال کا تیسرا اور سب سے بڑا فل مون ہو گا۔
غیر ملکی خبر رساں ایجنسی کے مطابق سپر مون شام کے وقت مشرق کی جانب طلوع ہو کر رات کو آسمان میں سب سے بلند دکھائی دے گا۔ دسمبر کے سپر مون کو “کولڈ مون” بھی کہا جاتا ہے
رواں سال 2025 کا آخری سپرمون 4 دسمبر کو بلند ہو گا۔ سپر مون اس وقت ظاہر ہوتا ہے جب چاند زمین کے قریب ترین نقطے (پیریجی) پر ہو۔ جس سے وہ عام فل مون کے مقابلے میں بڑا اور زیادہ روشن نظر آتا ہے۔ یہ صورتحال سورج، زمین اور چاند کی سیدھی لکیری ترتیب، یعنی ’سِزِگی‘ کے ساتھ وقوع پذیر ہوتی ہے۔
اس کا نام “کولڈ مون” اس لیے رکھا گیا ہے کہ یہ سال کے سرد اور اندھیری ترین موسم میں طلوع ہوتا ہے۔
ماہرین کے مطابق یہ سپر مون پہلے دیکھے گئے سپر مونز سے بڑا ہو گا۔ اور واضح رات کو آسمان میں آسانی سے دیکھا جا سکتا ہے۔ اگرچہ انسانی آنکھ سے اس کے حجم میں معمولی فرق محسوس کرنا مشکل ہو سکتا ہے۔
یونیورسٹی آف ہرٹ فورڈ شائر کے ماہر فلکیات ولیم آلسٹن کے مطابق افق کے قریب چاند بڑا دکھائی دیتا ہے۔ اور سپر مون کے دوران یہ اثر مزید نمایاں ہو جاتا ہے۔
سپارکو کے مطابق اس سپر مون کا حجم عام فل مون کے مقابلے میں تقریباً 7.9 فیصد بڑا اور 15 فیصد زیادہ روشن نظر آئے گا۔
برطانیہ اور یورپ میں سپر مون 4 دسمبر کی صبح سویرے طلوع ہوگا۔ یورپ میں یہ 11 بجے شام سے 12 بجے رات کے درمیان طلوع ہو گا۔ برطانیہ میں یہ 3 دسمبر 2025 کی رات 11 تا ساڑھے 11 بجے رات کو نظر آئے گا۔
شمالی اور مغربی امریکا کے ناظرین 3 دسمبر کی رات اسے کلستر کے سامنے گزرتا ہوا دیکھ سکتے ہیں۔ اور چاند کا عروج 4 دسمبر 2025 کی شام سوا 6 بجے ہو گا۔
یہ بھی پڑھیں: ایپل کا مودی حکومت کے متنازع حکم کو ماننے سے انکار
ماہرین نے مشورہ دیا ہے کہ صاف آسمان کے دن اور شام میں بغیر کسی خصوصی آلات کے بھی سپر مون دیکھا جا سکتا ہے۔ اور یہ سال 2025 کا آخری موقع ہو گا جب فلائیٹ کے شوقین ایک منفرد فلکیاتی منظر سے لطف اندوز ہو سکیں گے۔
