اسلام آباد: پاکستان میں دیامر بھاشا اور مہمند (منڈا) ڈیم کی تعمیر کے لیے جاری فنڈ جمع کرنے کی مہم میں شاہد خان آفریدی نے بھی 15 لاکھ روپے فنڈ دینے کا اعلان کیا ہے۔
منگل کو مائیکروبلاگنگ ویب سائٹ ٹوئٹر پر جاری کردہ پیغام میں سابق پاکستانی کرکٹر نے ڈیم فنڈ کے لیے رقم عطیہ کرنے کا اعلان کیا۔
ان کا کہنا تھا کہ وطن واپسی پر وہ ڈیموں کے لیے قائم فنڈ میں پانچ لاکھ اور دس لاکھ روپے کا عطیہ دیں گے۔
شاہد آفریدی نے ڈیموں کے لیے فنڈ کے قیام اور اس کے لیے عطیات دینے پر چیف جسٹس آف پاکستان اور پاک فوج کے جذبہ ایثار کی تعریف بھی کی۔
Commendable effort by Army & #CJP on the much needed act of water preservation, through building of dams.I pledge 5 lakh & 10 lakh from @SAFoundationN, to deliver on my return. Let’s all do our bit for Pakistan to pave the way for future generations #HopeNotOut @OfficialDGISPR https://t.co/ln02nGzNlR
— Shahid Afridi (@SAfridiOfficial) July 10, 2018
بوم بوم آفریدی کے نام سے معروف سابق پاکستانی کھلاڑی نے دوسروں کو بھی ڈیم فنڈ کے لیے عطیات دینے کی دعوت دیتے ہوئے کہا کہ اپنی آئندہ نسلوں کی سہولت کے لیے ایسا ضرور کریں۔
