آئی سی سی ٹی ٹوئنٹی ورلڈ کپ کی تاریخ میں پہلی مرتبہ ایونٹ کی دو ناقابل شکست ٹیمیں مد مقابل ہوں گی اور پہلی ناقابلِ شکست ٹیم ٹرافی اٹھائے گی۔
ٹی ٹوئنٹی ورلڈکپ کے نویں ایڈیشن کا فائنل کوالیفائی کرنے والی جنوبی افریقا اور بھارت کی ٹیمیں ایونٹ میں میں کوئی میچ نہیں ہاری ہیں۔ فائنل میں کامیاب ہونے کے بعد، ناقابل شکست رہتے ہوئے دوسری ناقابل شکست ٹیم کو ہرا کر ٹورنامنٹ جتنے والی دنیا کی پہلی ٹیم سامنے آئے گی۔
جنوبی افریقا اور بھارت کے درمیان مجموعی ورلڈکپ مقابلوں میں 1979 کے بعد پہلی مرتبہ دو ناقابل شکست ٹیموں کا فائنل میں مقابلہ ہوگا۔ 1979 کے ون ڈے ورلڈ کپ میں انگلینڈ اور ویسٹ انڈیز کی ٹیمیں فائنل سے پہلے کوئی میچ نہیں ہاری تھیں جبکہ ویسٹ انڈیز نے 1979 اور 1975 کا ورلڈکپ ناقابل شکست رہتے ہوئے جیتا تھا۔
کیا بھارت آئی سی سی ایونٹس میں ‘چوکرز’ کا لیبل ہٹانے میں کامیاب ہوپائے گا؟
اسی طرح 2003 اور 2007 کی ون ڈے ورلڈ کپ کی فاتح ٹیم آسٹریلیا بھی ٹورنامنٹ میں ناقابل شکست رہی جبکہ 1996 میں سری لنکا کی ٹیم دو واک اوور سمیت پورے ٹورنامنٹ میں ناقابل شکست رہی تھی۔
آئی سی سی چیمپئنز ٹرافی کی بات کی جائے تو 2002 کا فائنل ناقابلِ شکست ٹیموں انڈیا اور سری لنکا کے درمیان ہوا تھا۔
