واشنگٹن: غزہ پر اسرائیلی بمباری کے خلاف امریکہ میں مظاہرہ کرنے والے سینکڑوں یہودیوں کو گرفتار کر لیا گیا۔
غیر ملکی خبر رساں ایجنسی کے مطابق یہودیوں کے ایک جنگ مخالف گروپ جیوش وائس فار پیس کی جانب سے غزہ پر اسرائیلی بمباری کے خلاف مظاہرہ کرنے والے 500 سے زائد یہودیوں کو گرفتار کر لیا گیا۔
امریکی کانگریس کی عمارت میں مظاہرین کے شرکا نے ایک بڑا بینر بھی اٹھا رکھا تھا جس پر لکھا تھا کہ ’’جنگ بند کرو، کیونکہ اسرائیلی بمباری سے غزہ کی پٹی میں ہلاکتوں کی تعداد میں اضافہ ہو رہا ہے‘‘۔
سماجی رابطے کی ویب سائٹ ’’ایکس‘‘ پر جیوش وائس فار پیس نے بتایا کہ تقریبا 10 ہزار افراد نے امریکی دارالحکومت کی سڑکوں پر مارچ بھی کیا۔
Today, 500 Jews were arrested and 10k took to the streets to support and to demand a ceasefire and an end to Palestinian genocide.
We shut down congress to draw mass attention to the U.S. complicity in Israel’s ongoing oppression of Palestinians. But our work isn’t done. 🧵 pic.twitter.com/1aQf15Xx0D
— Jewish Voice for Peace (@jvplive) October 18, 2023
اسرائیلی کی وحشیانہ بمباری کے نتیجے میں اب تک غزہ میں خواتین و بچوں سمیت ساڑھے 3 ہزار افراد شہید ہو چکے ہیں جبکہ حماس کے اسرائیلی شہروں میں حملے کے باعث اب تک ڈیڑھ ہزار افراد ہلاک ہوئے جس میں سینکڑوں اسرائیلی فورسز اہلکار شامل ہیں۔