اسلام آباد: وفاقی وزیراطلاعات و نشریات مریم اورنگزیب نے کہا ہے کہ سابقہ فیصلے انصاف کے ترازو کا منہ چڑھا رہے ہیں۔
توہین عدالت کیس،عمران خان کو 7 روز میں دوبارہ جواب جمع کرانے کا حکم
ہم نیوز کے مطابق پاکستان مسلم لیگ (ن) کی مرکزی ترجمان اور وفاقی وزیر مریم اورنگزیب نے سماجی رابطوں کی ویب سائٹ ’ٹوئٹر‘ پر جاری کردہ بیان میں کہا ہے کہ عمران خان کو 7 دن مہلت ملی تو دانیال عزیز، طلال چودھری اور نہال ہاشمی کو بھی ملنی چاہئے۔
انڈیا سے تجارت اور دوحا میں مشکوک میٹنگ سوالیہ نشان ہے، شیخ رشید
عمران خان کو 7 دن کی مہلت ملی تو دانیال عزیز، طلال چوہدری اور نہال ہاشمی کو بھی ملنی چاہئے سابقہ فیصلے انصاف کے ترازو کا منہ چڑھا رہے ہیں .اگر آج کا فیصلہ درست ہے تو اُن فیصلوں کو بھی درست کیا جائے اور اگر وہ درست تھے تو اِس فیصلے میں بھی انصاف ہوتا نظر آنا چاہئے
— Marriyum Aurangzeb (@Marriyum_A) August 31, 2022
مریم اورنگزیب نے کہا ہے کہ اگر آج کا فیصلہ درست ہے تو ان فیصلوں کو بھی درست کیا جائے، اگر وہ درست تھے تو اس فیصلے میں بھی انصاف ہوتا نظرآنا چاہئے۔
الفاظ غیر مناسب تھے تو واپس لینے کو تیار ہوں، عمران خان کا توہین عدالت کیس میں جواب
انہوں نے کہا کہ خطے کے مقبول ترین تین بار کے منتخب وزیراعظم کو بیٹے سے تنخواہ نہ لینے پر تا حیات نا اہل کیا گیا، تین بار کے منتخب وزیراعظم کو بیٹی کے ساتھ جیل بھجوا دیا گیا۔
خطے کے مبقول ترین تین بار کے منتخب وزیراعظم کو بلیک لاءڈکشنری کا سہارا لے کر بیٹے سے تنخواہ نہ لینے پر تاحیات نااہل کرکے پارٹی کی صدارت سے ہٹا دیاگیا، بیٹی کے ساتھ جیل بھجوادیاگیا۔اگر مقبولیت ہی انصاف کا پیمانہ ہے تو وزیراعظم نوازشریف کے معاملے میں یہ پیمانہ کہاں تھا؟
— Marriyum Aurangzeb (@Marriyum_A) August 31, 2022
ہم نیوز کے مطابق وفاقی وزیر اطلاعات و نشریات مریم اورنگزیب نے استفسار کیا کہ اگر مقبولیت ہی انصاف کا پیمانہ ہے تو وزیراعظم نواز شریف کے معاملے میں یہ پیمانہ کہاں تھا؟