وزیر خارجہ بلاول بھٹو کا کہنا ہے کہ جب تک کشمیریوں کو آزادی نہیں مِل جاتی، ایک بھی پاکستانی چین سے نہیں بیٹھے گا، کشمیریوں کی تحریکِ حقِ خود ارادیت کو دبانا مودی حکومت کے بس کی بات نہیں۔
بلاول بھٹو نے کہا کہ پاکستان مظلوم کشمیریوں کی حقِ خودارادیت کی جدوجہد کی ہر ممکن اخلاقی ، سیاسی اور سفارتی حمایت جاری رکھے گا۔ دنیا کشمیریوں کے ساتھ کھڑی ہے ، کشمیر کی آزادی نوشتہ دیوار ہے ۔ وزیر خارجہ نے یاسین ملک کو جھوٹے مقدمے میں سزا دینے اور بھارتی حکومت کی ایما پر جیل میں ان کے ساتھ غیر انسانی برتاوَ کی مذمت کی۔
اس موقع پر بلاول بھٹو نے حریت کانفرنس آفیشل کے ٹوئٹر پیج پر لگی ایک ویڈیو بھی شئیر کی، جس میں لکھا گیا ہے مودی سرکار کی اس سازش کو 36 ماہ، 156 ہفتے اور 1ایک 96 دن گزر چکے ہیں، ہزاروں شہری جن میں کئی مذہبی اور سیاسی رہنما شامل ہیں نظر بند ہیں یا انہیں کام کرنے نہیں دیا جا رہا، تاہم سالوں سے جاری یہ تمام مظالم کشمیریوں کے جذبہ آزادی کو کم نہیں کر سکے۔
𝟯𝟲 𝗺𝗼𝗻𝘁𝗵𝘀
𝟭𝟱𝟲 𝘄𝗲𝗲𝗸𝘀
𝟭𝟬𝟵𝟲 𝗱𝗮𝘆𝘀Kashmiri leader and Islamic scholar @MirwaizKashmir completes 3 𝙮𝙚𝙖𝙧𝙨 𝙪𝙣𝙙𝙚𝙧 𝙝𝙤𝙪𝙨𝙚 𝙖𝙧𝙧𝙚𝙨𝙩. Indian authorities continue to bar him from social and religious duties#FreeMirwaiz pic.twitter.com/7zO2Lii0Y4
— Hurriyat Conference Official (@HurriyatJK) August 4, 2022
