وفاقی حکومت نے 19 مئی کو درآمدی اشیا پر لگائی گئی پابندی میں نرمی کر دی۔
وزارت تجارت نے درآمدی چھوٹ دینے کا نوٹی فکیشن جاری کر دیا ہے جس کے مطابق صنعتی شعبے کیلئے درآمد کردہ خام مال پر پابندی عائد نہیں ہو گی۔
نوٹی فکیشن کے مطابق انٹرمیڈیٹ گڈز کی درآمد پر بھی پابندی عائد نہیں ہوگی۔
گاڑیوں،موبائل فون، ڈرائی فروٹس سمیت لگژری اشیا کی درآمد پر پابندی
خیال رہے کہ چند روز پہلے وفاقی حکومت نے تمام امپورٹڈ گاڑیوں کی درآمد پر پابندی لگانے کا فیصلہ کر لیا ہے اور ساتھ ہی تمام اشیائے تعیش کی درآمد پر بھی پابندی عائد کردی تھی۔
سری لنکا: معاشی بحران شدید تر ہوگیا، حکومت کے پاس پیٹرول خریدنے کی سکت ختم ہو گئی
وفاقی وزیر اطلاعات و نشریات مریم اورنگزیب کے مطابق غیر ضروری امپورٹ پر مکمل پابندی عائد کی جارہی ہے جس سے مقامی انڈسٹریز اور سرمایہ کاروں کو فائدہ ہوگا۔
انہوں نے بتایا تھا کہ حکومتی فیصلے کے تحت موبائل فون، ڈرائی فروٹس، کراکری ، شوز، ڈیکوریشن کا سامان، کارپٹس، فوڈ آئٹمز، ٹشو پیپرز، لگژری میٹرز ، سن گلاسز، جوسرز، فش اور فروزن فوڈز کی درآمد پر بھی پابندی لگا دی گئی ہے۔
