اسلام آباد: پاکستان پیپلزپارٹی کے مرکزی سیکریٹری اطلاعات فیصل کریم کنڈی نے کہا ہے کہ فرح خان عمران خان کی دکھتی رگ بن گئی ہیں اورعمران خان، فرح خان کے ترجمان کا کردار ادا کررہے ہیں۔
شریف اور زرداری خاندان اپنے کیسز ختم کر کےخود کو این آر او ٹو دیں گے، عمران خان
ہم نیوز کے مطابق سابق ڈپٹی اسپیکر قومی اسمبلی فیصل کریم کنڈی نے کہا کہ ایک ایف آئی آر نے رونے پر مجبور کردیا ،خان صاحب گھبرانا نہیں، چیف الیکشن کمشنر، خان صاحب نے خود لگایا لیکن جب اپنے مفادات کا تحفظ نہیں کر رہا تو انہیں ناقابل اعتبار قرار دے دیا۔
انہوں ںے کہا کہ آصف زرداری عمران خان کے حواس پر سوار ہوچکے ہیں، عمران خان کے قریبی افراد کی کرپشن سے سارا عالم باخبر ہے، عمران خان ملکی اداروں کے خلاف عوام کو اکساتے رہے ہیں۔
پی پی کے مرکزی سیکریٹری اطلاعات و نشریات فیصل کریم کنڈی نے کہا کہ عمران خان آج کی پریس کانفرنس شکست اور بوکھلاہٹ کا امتزاج تھا، عمران خان پنجاب کویرغمال بنا کر لوٹنے والوں کی ترجمانی کررہے ہیں۔
نواز شریف نے حکومت ختم کی، سیاست بھی ختم کریگا، فرح گوگی کا دوسرا نام عمران خان ہے: مریم نواز
ہم نیوز کے مطابق فیصل کریم کنڈی نے کہا کہ وقت کے ساتھ ساتھ عمران خان کی دیگر دکھتی رگیں بھی سامنے آئیں گی، عمران خان بشریٰ بی بی اور اپنی ذات کی جانب سے کرپشن کی سرپرستی کو چھپانا چاہتے ہیں۔
