کراچی: صوبہ سندھ میں عالمی وبا قرار دیے جانے والے کورونا وائرس کی وجہ سے گزشتہ 24 گھنٹوں میں 44 افراد اپنی زندگی کی بازیاں ہار چکے ہیں۔
ملک بند کر کے کورونا کا مقابلہ نہیں کر سکتے، اسد عمر
ہم نیوز کے مطابق یہ بات حکومت سندھ کے ترجمان بیرسٹرمرتضیٰ وہاب نے بتائی ہے۔ انہوں نے سخت افسوس کا اظہار کرتے ہوئے کہا ہے کہ عوام اس مہلک صورت حال کو سنجیدگی سے نہیں لے رہے ہیں۔
بیرسٹر مرتضیٰ وہاب نے عوام سے اپیل کی وہ حفاظتی اقدامات کی مکمل تعمیل کریں اور جلد از جلد خود اور اپنے اہلخانہ کو کورونا ویکسین لگوائیں۔
کورونا وائرس، ویکسین لگوانے کے باوجود ڈیلٹا پھیلنے کا انکشاف
حکومت سندھ کے ترجمان نے کہا کہ شہری ماسک پہنیں اور ایس او پیز پر عمل کریں کیونکہ اسی میں سب کی عافیت ہے۔
انہوں نے شہریوں سے کہا کہ کورونا وائرس سے بچنے کے لیے حکومت سندھ کی مدد کریں اور اپنے پیاروں کی زندگی کو بچائیں۔
کورونا وائرس: دنیا میں 20 کروڑ کے قریب افراد متاثر
ترجمان حکومت سندھ بیرسٹرمرتضیٰ وہاب نے شہریوں کو خبردار کرتے ہوئے کہا کہ غیر ضروری طور پر گھروں سے باہر نہ نکلیں اور سماجی فاصلے کو پیش نظر رکھیں۔
